us lamhe ke liye mujhe fursat nahin

is lamhe ġham ke liye

mujhe fursat nahīñ

shelf meñ idhar udhar rakhī huī

kitāboñ ko

tartīb denā chāhtā huuñ

bāhar bārish ho rahī hai

bārish ke qatre havā ke saath

raqs kar rahe haiñ

mujhe michael jackson kā

koī pur-shor giit sunñā chāhiye

is lamhe ġham ke liye

apne chehre pe chhā.ī vahshat ko

ek shave ke zariye

ḳhatm karnā chāhtā huuñ

nazm kī kitāb se

sūkhī yādoñ ko alvidā.a karnā chāhtā huuñ

apnī pahlī mohabbat ko yaad kar ke

qahqahe lagānā chāhtā huuñ

ye merī āñkhoñ meñ

aañsū kyuuñ aa rahe haiñ

is lamhe gham ke liye

mujhe fursat nahin

shelf mein idhar udhar rakhi hui

kitabon ko

tartib dena chahta hun

bahar barish ho rahi hai

barish ke qatre hawa ke sath

raqs kar rahe hain

mujhe michael jackson ka

koi pur-shor git sunna chahiye

is lamhe gham ke liye

apne chehre pe chhai wahshat ko

ek shawe ke zariye

KHatm karna chahta hun

nazm ki kitab se

sukhi yaadon ko alwidaa karna chahta hun

apni pahli mohabbat ko yaad kar ke

qahqahe lagana chahta hun

ye meri aankhon mein

aansu kyun aa rahe hain