wa saKHKara lakum ma-fissamawati wa ma-fil-arz

tan-e-nāzuk pe us ke pairahan hai sabz aur dhānī

kahīñ par lājvardī surma.ī aur nuqra.ī zevar

tilā.ī nag jaḌe haiñ jā-ba-jā jin meñ

hathelī qurmuzī rangat

kahīñ par silsila-dar-silsila kohsār

khaḌe haiñ sar uThā.e ek shān-e-be-niyāzī se

kahīñ āġhosh meñ chashme

chhupā hai zindagī kā raaz jin meñ

ḳhutūt-e-dil-rubā aise

ki sayyār-o-savābit kī hadoñ ko nāptā rahrau

bhī rasta bhuul baiThe dam-ba-ḳhud ho kar

nigah uTThī zarā ThiThkī nigāh-e-shauq meñ badlī

palaTne se huī munkir

chalo āvāra-gardī tark karte haiñ

yahīñ par ḳhema-zan ho kar

kisī ke chashm-o-abrū par

matā-e-jāñ ye faanī ziist ham qurbān karte haiñ

magar kuchh pal hī guzre aur vo zīrak nigāheñ

toḌ kar vāraftagī ke sehr ko

va saḳhḳhara kī na.ī tā'bīr meñ mashġhūl haiñ ab

tan-e-nazuk pe us ke pairahan hai sabz aur dhani

kahin par lajwardi surmai aur nuqrai zewar

tilai nag jaDe hain ja-ba-ja jin mein

hatheli qurmuzi rangat

kahin par silsila-dar-silsila kohsar

khaDe hain sar uThae ek shan-e-be-niyazi se

kahin aaghosh mein chashme

chhupa hai zindagi ka raaz jin mein

KHutut-e-dil-ruba aise

ki sayyar-o-sawabit ki hadon ko napta rahrau

bhi rasta bhul baiThe dam-ba-KHud ho kar

nigah uTThi zara ThiThki nigah-e-shauq mein badli

palaTne se hui munkir

chalo aawara-gardi tark karte hain

yahin par KHema-zan ho kar

kisi ke chashm-o-abru par

mata-e-jaan ye fani zist hum qurban karte hain

magar kuchh pal hi guzre aur wo zirak nigahen

toD kar waraftagi ke sehr ko

wa saKHKHara ki nai ta'bir mein mashghul hain ab