aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wadi-e-nil

Yusuf Zafar

wadi-e-nil

Yusuf Zafar

MORE BYYusuf Zafar

    jamāl-e-marg-āfrīñ! ye shab merī zindagī hai

    nichoḌ de is ke chand lamhoñ ishratoñ meñ

    vo mai vo nashsha ki sāġhar-e-māh-e-visāl meñ hai

    vo mai ki tere jamāl meñ hai

    visāl meñ hai

    visāl! terā visāl vo sho.ala-e-ajal hai

    ki jis meñ jal kar ka.ī patiñge abad manzil ko chuke haiñ

    abad manzil!

    sehr pahlī kiran vo nāgan

    ki mere siine se āḳhirī saañs ban ke palTegī aa mirī jaañ!

    jamāl-e-marg-āfrīñ! ye shab merī zindagī hai

    mere laboñ ne vo lab bhī chūme haiñ jin meñ marg-e-girāñ nahīñ thī

    vo phuul se lab ki jin tahdār pattiyoñ meñ

    tamāzat-e-bāda-e-vafā thī

    mire javāñ-sāl bāzuoñ ne

    dhaḌakte marmar un chaTānoñ se ras nichoḌā hai zindagī

    jinheñ gumāñ thā ki mere pahlū meñ dam nikalnā zindagī hai

    mire siine pe jāgtī haiñ abhī vo rāteñ

    ki jin meñ ubhre haiñ āftāb-e-jamāl merī masarratoñ ke

    vo āftāb-e-jamāl jo kal sahar pahlī kiran ke Dasne se

    mere ham-rāh jal bujheñge

    tire tabassum lau ubhartī rahī hai

    tujhe nazar aa rahī hai shāyad vo ziist jo laash ban ke taḌpegī

    kal sahar ko

    magar maiñ kuchh aur dekhtā huuñ

    agar maiñ ye shab guzār detā gurisna sheroñ ke jañgaloñ meñ

    jahāñ har ik lahza maut muñh phaaḌ kar jhapaTtī hai

    bebasī par

    agar maiñ ye shab guzār detā kisī samundar ke sard siine dhoñknī par

    jahāñ har ek lahza maut muñh phaaḌ kar jhapaTtī hai

    bebasī par

    agar maiñ ye shab guzār detā kisī ġham-e-marg-āfrīñ meñ

    ki jis ke changul meñ lahza lahza lahū Tapaktā hai aarzū

    ajab na thā aaj shab agar merā koī dushman

    mire badan se ye nok-e-ḳhanjar nikāl detā vo ḳhuuñ jo ab merī zindagī hai

    jo ab tire paikar-e-masarrat vādiyoñ meñ

    mirī haqīqat rāz-dāñ hai

    qubūl hai mujh ko aaj shab sahar hai jis abad manzil

    jamāl-e-marg āfrīñ ye shab merī zindagī hai

    mirā muqaddar ki aaj shab hai mujh ko hāsil ye terā paikar

    mirā muqaddar ki maiñ ne ḳhud maut ko pukārā hai terī ḳhātir

    mirā muqaddar ki maiñ huuñ vo maut musāfir

    jo apnī manzil pe aa gayā hai tire shabistāñ meñ ḳhud Thahar kar

    tire laboñ se hayāt kar

    tire jamāl-e-hayāt-parvar se lau lagā kar

    tirī nigāhoñ gahrī jhīloñ meñ tair kar, mish.aleñ jalā kar

    gudāz paikar reshmī chilmaneñ uThā kar

    dhaḌakte dil meñ tarāne bo kar zamāne kar

    azal abad ko sameT kar, be-karāñ banā kar

    tire badan latāfatoñ meñ masarrat-e-zindagī milā kar

    tire lahū meñ sharāre bhar kar harārat-e-jāvedāñ basā kar

    tire ḳhumistān-e-dilbarī ko jahāñ meñ ik dāstāñ banā kar

    tujhe ajal se qarīb kar

    haqīqat-e-zindagī dikhā kar

    ki maiñ huuñ vo maut musāfir

    tire shabistāñ ke chor darvāze se guzar kar

    jo apnī manzil pe aa gayā hai

    vo log jo ro rahe haiñ mujh ko

    ki maiñ ne ḳhud maut ko pukārā hai terī ḳhātir

    vo log kyā jāneñ zindagī ko

    unheñ ḳhabar kyā ki maut har lahza un hastī ko khā rahī hai

    unheñ ḳhabar kyā ki zindagī kyā hai maiñ samajhtā huuñ zindagī ko

    ki aaj shab ye zindagī merī zindagī hai

    ye zindagī hai mirī jise maiñ ne aaj shab

    tire masarrat-kade meñ kar

    abad se ham-dosh kar diyā hai

    ajal ko ḳhāmosh kar diyā hai

    thirak rahā hai tirā badan lazzat-e-tarab se

    chamak rahī haiñ tirī nigāheñ ḳhumār-e-shab se

    uchak uchak kar sahar mujhe dekhne lagī hai

    sahar thā intizār kab se

    jamal-e-marg-afrin! ye shab meri zindagi hai

    nichoD de is ke chand lamhon ki ishraton mein

    wo mai wo nashsha ki saghar-e-mah-e-visal mein hai

    wo mai ki tere jamal mein hai

    visal mein hai

    visal! tera visal wo shoala-e-ajal hai

    ki jis mein jal kar kai patinge abad ki manzil ko pa chuke hain

    abad ki manzil!

    sehr ki pahli kiran wo nagan

    ki mere sine se aaKHiri sans ban ke palTegi aa meri jaan!

    jamal-e-marg-afrin! ye shab meri zindagi hai

    mere labon ne wo lab bhi chume hain jin mein marg-e-giran nahin thi

    wo phul se lab ki jin ki tahdar pattiyon mein

    tamazat-e-baada-e-wafa thi

    mere jawan-sal bazuon ne

    dhaDakte marmar ki un chaTanon se ras nichoDa hai zindagi ka

    jinhen guman tha ki mere pahlu mein dam nikalna hi zindagi hai

    mere hi sine pe jagti hain abhi wo raaten

    ki jin mein ubhre hain aaftab-e-jamal meri masarraton ke

    wo aaftab-e-jamal jo kal sahar ki pahli kiran ke Dasne se

    mere ham-rah jal bujhenge

    tere tabassum ki lau ubharti hi ja rahi hai

    tujhe nazar aa rahi hai shayad wo zist jo lash ban ke taDpegi

    kal sahar ko

    magar main kuchh aur dekhta hun

    agar main ye shab guzar deta gurisna sheron ke jangalon mein

    jahan har ek lahza maut munh phaD kar jhapaTti hai

    bebasi par

    agar main ye shab guzar deta kisi samundar ke sard sine ki dhonkni par

    jahan har ek lahza maut munh phaD kar jhapaTti hai

    bebasi par

    agar main ye shab guzar deta kisi gham-e-marg-afrin mein

    ki jis ke changul mein lahza lahza lahu Tapakta hai aarzu ka

    ajab na tha aaj shab agar mera koi dushman

    mere badan se ye nok-e-KHanjar nikal deta wo KHun jo ab meri zindagi hai

    jo ab tere paikar-e-masarrat ki wadiyon mein

    meri haqiqat ka raaz-dan hai

    qubul hai mujh ko aaj ki shab sahar hai jis ki abad ki manzil

    jamal-e-marg aafrin ye shab meri zindagi hai

    mera muqaddar ki aaj ki shab hai mujh ko hasil ye tera paikar

    mera muqaddar ki main ne KHud maut ko pukara hai teri KHatir

    mera muqaddar ki main hun wo maut ka musafir

    jo apni manzil pe aa gaya hai tere shabistan mein KHud Thahar kar

    tere labon se hayat pa kar

    tere jamal-e-hayat-parwar se lau laga kar

    teri nigahon ki gahri jhilon mein tair kar, mishalen jala kar

    gudaz paikar ki reshmi chilmanen uTha kar

    dhaDakte dil mein tarane bo kar zamane la kar

    azal abad ko sameT kar, be-karan bana kar

    tere badan ki latafaton mein masarrat-e-zindagi mila kar

    tere lahu mein sharare bhar kar hararat-e-jawedan basa kar

    tere KHumistan-e-dilbari ko jahan mein ek dastan bana kar

    tujhe ajal se qarib la kar

    haqiqat-e-zindagi dikha kar

    ki main hun wo maut ka musafir

    tere shabistan ke chor darwaze se guzar kar

    jo apni manzil pe aa gaya hai

    wo log jo ro rahe hain mujh ko

    ki main ne KHud maut ko pukara hai teri KHatir

    wo log kya jaanen zindagi ko

    unhen KHabar kya ki maut har lahza un ki hasti ko kha rahi hai

    unhen KHabar kya ki zindagi kya hai main samajhta hun zindagi ko

    ki aaj ki shab ye zindagi meri zindagi hai

    ye zindagi hai meri jise main ne aaj ki shab

    tere masarrat-kade mein la kar

    abad se ham-dosh kar diya hai

    ajal ko KHamosh kar diya hai

    thirak raha hai tera badan lazzat-e-tarab se

    chamak rahi hain teri nigahen KHumar-e-shab se

    uchak uchak kar sahar mujhe dekhne lagi hai

    sahar ka tha intizar kab se

    Source:

    Nai Nazm ka safar (Pg. 94)

    • Author: Khalilur Rahman Azmi
      • Edition: 2011
      • Publisher: NCPUL, New Delhi
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now