wahima

raat jaagī to kahīñ sahn meñ sūkhe patte

charmurā.e ki koī aayā koī aayā hai

aur ham shauq ke maare hue dauḌe aa.e

go ki mālūm hai tū hai na tirā saaya hai

ham ki dekheñ kabhī dālān kabhī sūkhā chaman

us pe dhīmī sī tamanna ki pukāre jaa.eñ

phir se ik baar tirī ḳhvāb sī āñkheñ dekheñ

phir tire hijr ke hāthoñ hī bhale maare jaa.eñ

ham tujhe apnī sadāoñ meñ basāne vaale

itnā chīḳheñ ki tire vahm lipaT kar ro.eñ

par tire vahm bhī terī hī tarah qātil haiñ

so vahī dard hai jānāñ kaho kaise so.eñ

bas isī karb ke pahlū meñ guzāre haiñ pahar

bas yūñhī ġham kabhī kaafī kabhī thoḌe aa.e

phir achānak kisī lamhe meñ jo chaTḳhe patte

ham vahī shauq ke maare hue dauḌe aa.e

raat jagi to kahin sahn mein sukhe patte

charmurae ki koi aaya koi aaya hai

aur hum shauq ke mare hue dauDe aae

go ki malum hai tu hai na tera saya hai

hum ki dekhen kabhi dalan kabhi sukha chaman

us pe dhimi si tamanna ki pukare jaen

phir se ek bar teri KHwab si aankhen dekhen

phir tere hijr ke hathon hi bhale mare jaen

hum tujhe apni sadaon mein basane wale

itna chiKHen ki tere wahm lipaT kar roen

par tere wahm bhi teri hi tarah qatil hain

so wahi dard hai jaanan kaho kaise soen

bas isi karb ke pahlu mein guzare hain pahar

bas yunhi gham kabhi kafi kabhi thoDe aae

phir achanak kisi lamhe mein jo chaTKHe patte

hum wahi shauq ke mare hue dauDe aae