wahi kahani baDi purani

māneñ yā mat māneñ chachchī

baat hai merī bilkul sachchī

vahī kahānī baḌī purānī

shurūa kareñgī mujhe sunānī

duur kahīñ ḳhush-hāl nagar meñ

ek thā raajā ek thī raanī

jañgal meñ ik dev thā kaalā

ek thī jādū-garnī kaanī

le ga.e donoñ shahzādī ko

chhuT gayā us kā daana paanī

koī un se jiit na paayā

baḌe baḌoñ kī mar ga.ī naanī

ik charvāhe ke beTe ne

dikhlā.ī apnī jaulānī

un donoñ ko jaan se maarā

maar ke kar dī ḳhatm kahānī

aap samajhtī haiñ ki jaise

maiñ bhī huuñ ik buddhū bachchī

māneñ yā mat māneñ chachchī

baat hai merī bilkul sachchī

kaalī ho ga.iiñ merī rāteñ

sun sun kar ye bor sī bāteñ

koī jādū-garnī dekhī

aur na dekhīñ dev kī ghāteñ

charvāhā bhī milā na koī

kahāñ haiñ aisī zāteñ-pāteñ

shaah to bas shatranj meñ hai ab

vo bhī khā jaatā hai māteñ

malika haañ ik london meñ hai

par vo kahāñ pichhlī auqāteñ

shahzādī bhī hai to sahī par

kahāñ haiñ jañgal dev kī bāteñ

chachchā se gar puchhvā duuñ maiñ

ho jā.egī aap kī kachchī

māneñ yā mat māneñ chachchī

baat hai merī bilkul sachchī

manen ya mat manen chachchi

baat hai meri bilkul sachchi

wahi kahani baDi purani

shurua karengi mujhe sunani

dur kahin KHush-haal nagar mein

ek tha raja ek thi rani

jangal mein ek dew tha kala

ek thi jadu-garni kani

le gae donon shahzadi ko

chhuT gaya us ka dana pani

koi un se jit na paya

baDe baDon ki mar gai nani

ek charwahe ke beTe ne

dikhlai apni jaulani

un donon ko jaan se mara

mar ke kar di KHatm kahani

aap samajhti hain ki jaise

main bhi hun ek buddhu bachchi

manen ya mat manen chachchi

baat hai meri bilkul sachchi

kali ho gain meri raaten

sun sun kar ye bor si baaten

koi jadu-garni dekhi

aur na dekhin dew ki ghaten

charwaha bhi mila na koi

kahan hain aisi zaten-paten

shah to bas shatranj mein hai ab

wo bhi kha jata hai maten

malika han ek london mein hai

par wo kahan pichhli auqaten

shahzadi bhi hai to sahi par

kahan hain jangal dew ki baaten

chachcha se gar puchhwa dun main

ho jaegi aap ki kachchi

manen ya mat manen chachchi

baat hai meri bilkul sachchi