wahi narm lahja

Parveen Shakir

wahi narm lahja

Parveen Shakir

MORE BY Parveen Shakir

    INTERESTING FACT

    (فنون، لاہور، جون 1973ء)

    vahī narm lahja

    jo itnā mulā.em hai jaise

    dhanak giit ban ke samā.at ko chhūne lagī ho

    shafaq narm komal suroñ meñ koī pyaar baat kahne chalī ho

    kis qadar rang-o-āhang kis qadar ḳhūbsūrat safar

    vahī narm lahja

    kabhī apne maḳhsūs andāz meñ mujh se bāteñ karegā

    to aisā lage

    jaise resham ke jhūle pe koī madhur giit halkore lene lagā ho

    vahī narm lahja

    kisī shoḳh lamhe meñ us hañsī ban ke bikhre

    to aisā lage

    jaise qaus-e-quzah ne kahīñ paas apnī pāzeb chhankā.ī hai

    hañsī ko vo rim-jhim

    ki jaise fazā meñ banafshī chamakdār būñdoñ ke ghuñghrū chhanakne lage hoñ

    ki phir

    us āvāz lams ke

    havāoñ ke hāthoñ meñ an-dekhe kañgan khanakne lage hoñ

    vahī narm lahja mujhe chheḌne par jab aa.e

    to aisā lagegā

    jaise sāvan chanchal havā

    sabz pattoñ ke jhāñjhan pahan

    surḳh phūloñ paa.el bajātī huī

    mere ruḳhsār ko

    gaahe gaahe sharāre se chhūne lage

    maiñ jo dekhūñ palaT ke to vo

    bhaag jaa.e magar

    duur peḌoñ meñ chhup kar hañse

    aur phir nanhe bachchoñ mānind ḳhush ho ke taalī bajāne lage

    vahī narm lahja

    ki jis ne mire zaḳhm-e-jāñ pe hamesha shagufta gulāboñ shabnam rakhī hai

    bahāroñ ke pahle parinde mānind hai

    jo sadā aane vaale na.e sukh ke mausam qāsid banā hai

    usī narm lahje ne phir mujh ko āvāz hai

    wahi narm lahja

    jo itna mulaem hai jaise

    dhanak git ban ke samaat ko chhune lagi ho

    shafaq narm komal suron mein koi pyar ki baat kahne chali ho

    kis qadar rang-o-ahang ka kis qadar KHubsurat safar

    wahi narm lahja

    kabhi apne maKHsus andaz mein mujh se baaten karega

    to aisa lage

    jaise resham ke jhule pe koi madhur git halkore lene laga ho

    wahi narm lahja

    kisi shoKH lamhe mein us ki hansi ban ke bikhre

    to aisa lage

    jaise qaus-e-quzah ne kahin pas hi apni pazeb chhankai hai

    hansi ko wo rim-jhim

    ki jaise faza mein banafshi chamakdar bundon ke ghunghru chhanakne lage hon

    ki phir

    us ki aawaz ka lams pa ke

    hawaon ke hathon mein an-dekhe kangan khanakne lage hon

    wahi narm lahja mujhe chheDne par jab aae

    to aisa lagega

    jaise sawan ki chanchal hawa

    sabz patton ke jhanjhan pahan

    surKH phulon ki pael bajati hui

    mere ruKHsar ko

    gahe gahe sharare se chhune lage

    main jo dekhun palaT ke to wo

    bhag jae magar

    dur peDon mein chhup kar hanse

    aur phir nanhe bachchon ki manind KHush ho ke tali bajaane lage

    wahi narm lahja

    ki jis ne mere zaKHm-e-jaan pe hamesha shagufta gulabon ki shabnam rakhi hai

    bahaaron ke pahle parinde ki manind hai

    jo sada aane wale nae sukh ke mausam ka qasid bana hai

    usi narm lahje ne phir mujh ko aawaz di hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites