waqt
sahmī sahmī khoī khoī dasht kī do hirniyāñ
yaad aatī haiñ mujhe vo zaḳhm-ḳhurda laḌkiyāñ
in ke chehre jagmagāte the ḳhizāñ kī dhuup se
dard kī bārish ho jaise ruup ke bahrūp se
un kā dil mahrūmiyoñ kā ek gahrā ġham liye
aur āñkheñ jis tarah hoñ jalte-bujhte se diye
aate jaate dekhtā thā roz un ko raah meñ
jaise pāgal ho chalā thā maiñ bhī un kī chaah meñ
phir na jaane kyā huā kis lahr meñ vo kho ga.iiñ
koī un kā ho gayā yā vo kisī kī ho ga.iiñ
sahmi sahmi khoi khoi dasht ki do hirniyan
yaad aati hain mujhe wo zaKHm-KHurda laDkiyan
in ke chehre jagmagate the KHizan ki dhup se
dard ki barish ho jaise rup ke bahrup se
un ka dil mahrumiyon ka ek gahra gham liye
aur aankhen jis tarah hon jalte-bujhte se diye
aate jate dekhta tha roz un ko rah mein
jaise pagal ho chala tha main bhi un ki chah mein
phir na jaane kya hua kis lahr mein wo kho gain
koi un ka ho gaya ya wo kisi ki ho gain
- Book : Pakistani Adab (Pg. 192)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
