waqt

hai sāl-e-nau kī aamad har shaḳhs kī ḳhushī hai

kyā rañg lā.egā ye is kī nahīñ ḳhabar kuchh

maiñ jāntā huuñ zālim terī ye dil-lagī hai

dil meñ nahīñ kisī ke jo maut kā ḳhatar kuchh

ai vaqt-e-be-muravvat ai vaqt-e-be-muravvat

aalam kā lahza lahza meñ haal kyā se kyā hai

muflis abhī thā koī masnad-nashīñ abhī hai

jiitā koī abhī thā ab dafn ho rahā hai

zālim kabhī rifāqat tū ne kisī kī kī hai

ai vaqt-e-be-muravvat ai vaqt-e-be-muravvat

kahnā kisī ghaḌī ko apnā ġhalat sarāsar

aalam jise haiñ kahte taġh.īr kā hai maskan

tujh ko agar maiñ samjhūñ Thahrā ġhalat sarāsar

zālim lagā huā hai tujh meñ balā kā engine

ai vaqt-e-be-muravvat ai vaqt-e-be-muravvat

the ḳhār-zār jis jā hai bulbuloñ kā maskan

allāh kis ġhazab ke har aan haiñ ye phere

thiiñ mahfileñ jahāñ par hai bekasoñ kā madfan

ye hathkañDe haiñ tere ye hathkañDe haiñ tere

ai vaqt-e-be-muravvat ai vaqt-e-be-muravvat

hai sal-e-nau ki aamad har shaKHs ki KHushi hai

kya rang laega ye is ki nahin KHabar kuchh

main jaanta hun zalim teri ye dil-lagi hai

dil mein nahin kisi ke jo maut ka KHatar kuchh

ai waqt-e-be-murawwat ai waqt-e-be-murawwat

aalam ka lahza lahza mein haal kya se kya hai

muflis abhi tha koi masnad-nashin abhi hai

jita koi abhi tha ab dafn ho raha hai

zalim kabhi rifaqat tu ne kisi ki ki hai

ai waqt-e-be-murawwat ai waqt-e-be-murawwat

kahna kisi ghaDi ko apna ghalat sarasar

aalam jise hain kahte taghir ka hai maskan

tujh ko agar main samjhun Thahra ghalat sarasar

zalim laga hua hai tujh mein bala ka engine

ai waqt-e-be-murawwat ai waqt-e-be-murawwat

the KHar-zar jis ja hai bulbulon ka maskan

allah kis ghazab ke har aan hain ye phere

thin mahfilen jahan par hai bekason ka madfan

ye hathkanDe hain tere ye hathkanDe hain tere

ai waqt-e-be-murawwat ai waqt-e-be-murawwat