waqt ka nauha

mere ruī ke bistaraoñ ke sulagne se

sahn meñ dhuāñ phailtā jā rahā hai

gharoñ kī chilmanoñ se us paar

bāhar baiThī havā ro rahī hai

nizām-saqqā pyaas kī ok ke sāmne

sabīl lagā.e hue al-atash bāñTtā hai

zamāna pyaas ke nauhe par

mātamī daf bajā rahā hai

w T o anaaj kī gaThriyoñ pe baiThī

bhūkoñ ko amn ke hurūf se bharī

plate de rahī hai

U N O kī aañkh ke kināroñ kī jumbihsoñ se duniyā

kapkapā rahī hai

maañ

māmtā ko hañsī aa rahī hai

duudh kī jagah chhātiyoñ meñ

nazariye aur falsafe ghole jā rahe haiñ

vaqt kī Dor par jhūlte bachchoñ se

jhūlne ke auqāt chhīne jā rahe haiñ

bārūd bam missile aur dhamāke

dhartī kī kokh meñ dhakele jā rahe haiñ

mere rui ke bistaraon ke sulagne se

sahn mein dhuan phailta ja raha hai

gharon ki chilmanon se us par

bahar baiThi hawa ro rahi hai

nizam-saqqa pyas ki ok ke samne

sabil lagae hue al-atash banTta hai

zamana pyas ke nauhe par

matami daf baja raha hai

w T o anaj ki gaThriyon pe baiThi

bhukon ko amn ke huruf se bhari

plate de rahi hai

U N O ki aankh ke kinaron ki jumbihson se duniya

kapkapa rahi hai

man

mamta ko hansi aa rahi hai

dudh ki jagah chhatiyon mein

nazariye aur falsafe ghole ja rahe hain

waqt ki Dor par jhulte bachchon se

jhulne ke auqat chhine ja rahe hain

barud bam missile aur dhamake

dharti ki kokh mein dhakele ja rahe hain