waqt ke nam ek KHat

Zahid Imroz

waqt ke nam ek KHat

Zahid Imroz

MORE BYZahid Imroz

    zindagī bahut masrūf ho ga.ī hai

    jo ḳhvāb mujhe aaj dekhnā thā

    vo aglī paidā.ish tak multavī karnā paḌā hai

    bachpan meñ lage zaḳhm par marham rakhne ke liye

    doctor ne abhī sirf vaada kiyā hai

    kal ke liye sāñseñ kamāte haath

    sub.h tak chaa.e nahīñ sakte

    lekin ghabrāo nahīñ

    sab yahī hālat hai

    vo batā rahī thī

    us ne apnī suhāg-rāt tab manā.ī

    jab vo haiz ke baras guzār chukī thī

    zindagī bahut masrūf ho ga.ī hai

    apnī saarī pūñjī bech kar

    maiñ ne chand lamhe ye kahne ke liye ḳharīde haiñ

    ki jab kabhī maiñ mar gayā

    to koshish karnā

    mujhe agle janam se zarā pahle dafnā denā

    zindagi bahut masruf ho gai hai

    jo KHwab mujhe aaj dekhna tha

    wo agli paidaish tak multawi karna paDa hai

    bachpan mein lage zaKHm par marham rakhne ke liye

    doctor ne abhi sirf wada kiya hai

    kal ke liye sansen kamate hath

    subh tak chae nahin pi sakte

    lekin ghabrao nahin

    sab ki yahi haalat hai

    wo bata rahi thi

    us ne apni suhag-raat tab manai

    jab wo haiz ke baras guzar chuki thi

    zindagi bahut masruf ho gai hai

    apni sari punji bech kar

    main ne chand lamhe ye kahne ke liye KHaride hain

    ki jab kabhi main mar gaya

    to koshish karna

    mujhe agle janam se zara pahle dafna dena

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY