waqt

andhe vaqt ke

gahre kueñ meñ

maazī kī har yaad chhupī hai

kuchh lamhoñ kī kirneñ

zard sunahrī-āñchal meñ lipTī haiñ

kuchh pal aise bhī haiñ

jin ke ā.īne meñ

dukh ke anmiT-aks

ubhar kar

āñkhoñ ke girdāb meñ raqsāñ

lauh-e-dil par

naqsh hue haiñ

dhuup aur chhāñv ke is khel ko

haal kā har pal dekh rahā hai

dukh ke bhārī bojhal patthar

sukh kī narm sunahrī kirnoñ ko

mīzān meñ rakh kar

taul rahā hai

mustaqbil

ik dhund kī chādar meñ lipTe

durvesh kī sūrat

vaqt ke is tārīk kueñ se

jhāñkte maazī

haal ke ik ik naqsh kā partav

dekh rahā hai

soch rahā hai

andhe waqt ke

gahre kuen mein

mazi ki har yaad chhupi hai

kuchh lamhon ki kirnen

zard sunahri-anchal mein lipTi hain

kuchh pal aise bhi hain

jin ke aaine mein

dukh ke anmiT-aks

ubhar kar

aankhon ke girdab mein raqsan

lauh-e-dil par

naqsh hue hain

dhup aur chhanw ke is khel ko

haal ka har pal dekh raha hai

dukh ke bhaari bojhal patthar

sukh ki narm sunahri kirnon ko

mizan mein rakh kar

taul raha hai

mustaqbil

ek dhund ki chadar mein lipTe

durwesh ki surat

waqt ke is tarik kuen se

jhankte mazi

haal ke ek ek naqsh ka partaw

dekh raha hai

soch raha hai