wasl ki jo KHwahish hai

ye bahut rulātī hai rāt-bhar jagātī hai

chain lene detī hai aur na rone detī hai

yuuñ to ek muddat se

tum se ham haiñ begāna

saath chalte rahne kā na to koī va.ada hai

phir bhī dil meñ jaane kyuuñ ik ḳhalish sī rahtī hai

dil meñ ye ḳhayāl aksar aa ke Thahar jaatā hai

saath saath chalte ham zindagī ke rastoñ par

har safar hañsī hotā tum jo mere saath hote

lekin ai mire rahbar

ab to ḳhauf us kā hai ḳhvāb meñ jo aa.e tum

aur be-ḳhayālī meñ naam jo liyā ham ne

sab hī chauñk jā.eñge mustaqil savāloñ se

lā-javāb kar deñge

is liye mere jaanā

vasl kī jo ḳhvāhish hai

is ko bhuul jaatī huuñ

aur tumhārī yādoñ se

ab vidā.a letī huuñ

ye bahut rulati hai raat-bhar jagati hai

chain lene deti hai aur na rone deti hai

yun to ek muddat se

tum se hum hain begana

sath chalte rahne ka na to koi wada hai

phir bhi dil mein jaane kyun ek KHalish si rahti hai

dil mein ye KHayal aksar aa ke Thahar jata hai

sath sath chalte hum zindagi ke raston par

har safar hansi hota tum jo mere sath hote

lekin ai mere rahbar

ab to KHauf us ka hai KHwab mein jo aae tum

aur be-KHayali mein nam jo liya hum ne

sab hi chaunk jaenge mustaqil sawalon se

la-jawab kar denge

is liye mere jaana

wasl ki jo KHwahish hai

is ko bhul jati hun

aur tumhaari yaadon se

ab widaa leti hun