aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wassalam

MORE BYMohammad Haneef Rame

    pyāre beTe ibrāhīm

    tumheñ shikāyat hai ki ek arse se maiñ ne kuchh likhā likhā nahīñ

    'iqbāl' ne kahā thā

    naale bulbul ke sunūñ aur hama-tan gosh rahūñ

    ham-navā maiñ bhī koī gul huuñ ki ḳhāmosh rahūñ

    phir 'faiz' ne kahā thā

    bol ki lab āzād haiñ tere

    bahut uksātā huuñ apne-āp ko

    lekin zabān girah khultī nahīñ

    aur dil sho.ala-lab mojiz-bayāñ par aatā nahīñ

    haa.e 'nāsir'-kāzmī'

    bas 'ġhālib' tarah kaan lapeT kar baiTh jaatā huuñ

    khulā kar fā.eda arz-e-hunar meñ ḳhaak nahīñ

    bolūñgā to sunegā kaun

    kisī ke kaan meñ paḌ bhī ga.ī to samjhegā kaun

    āj-kal to baḌe baḌe khaḌ-peñchoñ hālat ye hai

    ki koī suntā hai to samajhtā nahīñ

    koī samajhtā hai to suntā nahīñ

    aur bahut haiñ jo sunte bhī nahīñ samajhte bhī nahīñ

    phir mere paas naale ko hai kiyā

    kaun zarūrī baat hai jo an-kahī rah ga.ī hai

    saare falsafe saare nazariye saare masā.il to bayān ho chuke

    shā.iroñ ne latīf se latīf jazbe ko sau sau tarah se bāñdh Daalā

    mausīqāroñ ne nāzuk se nāzuk ehsās ko pāband le kar diyā

    na kisī ke liye kuchh kahne ko baaqī hai

    na kisī meñ sunñe yaarā hai

    yahī ġhanīmat hai ki dil bhar aa.e to muñh muñh meñ kuchh baḌbaḌā leñ

    āḳhir jab ḳhudā ne abhī ḳhudā.ī na banā.ī thī

    to akele meñ kyā kartā ho vo

    ḳhud boltā hogā ḳhud suntā hogā vo

    merā ye maqām to nahīñ lekin hālat yahī hai

    ḳhud boltā huuñ ḳhud suntā huuñ

    bas ye samajh meñ nahīñ aatā ki kahā kyā hai aur sunā kyā hai

    vaise ye samjhe samjhāne vaalī baat bhī TeḌhī ḳhair hai

    'ġhālib' ne kahā thā

    bak rahā huuñ junūñ meñ kyā kyā kuchh kuchh na samjhe ḳhudā kariye koī

    aur is se pahle 'mīr-dard' ne bahut dard se batāyā thā

    samajhte the na magar sunte the tarāna-e-dard samajh meñ aane lagā jab to phir sunā na gayā

    vassalām

    pyare beTe ibrahim

    tumhein shikayat hai ki ek arse se main ne kuchh likha likha ya nahin

    'iqbaal' ne kaha tha

    nale bulbul ke sunun aur hama-tan gosh rahun

    ham-nawa main bhi koi gul hun ki KHamosh rahun

    phir 'faiz' ne kaha tha

    bol ki lab aazad hain tere

    bahut uksata hun apne-ap ko

    lekin zaban ki girah khulti hi nahin

    aur dil ka shoala-lab mojiz-bayan par aata hi nahin

    hae 'nasir'-kazmi'

    bas 'ghaalib' ki tarah kan lapeT kar baiTh jata hun

    khula kar faeda arz-e-hunar mein KHak nahin

    bolunga to sunega kaun

    kisi ke kan mein paD bhi gai to samjhega kaun

    aaj-kal to baDe baDe khaD-penchon ki haalat ye hai

    ki koi sunta hai to samajhta nahin

    koi samajhta hai to sunta nahin

    aur bahut hain jo sunte bhi nahin samajhte bhi nahin

    phir mere pas nale ko hai kiya

    kaun si zaruri baat hai jo an-kahi rah gai hai

    sare falsafe sare nazariye sare masail to bayan ho chuke

    shairon ne latif se latif jazbe ko sau sau tarah se bandh Dala

    mausiqaron ne nazuk se nazuk ehsas ko paband le kar diya

    na kisi ke liye kuchh kahne ko baqi hai

    na kisi mein sunne ka yara hai

    yahi ghanimat hai ki dil bhar aae to munh hi munh mein kuchh baDbaDa len

    aaKHir jab KHuda ne abhi KHudai na banai thi

    to akele mein kya karta ho wo

    KHud hi bolta hoga KHud hi sunta hoga wo

    mera ye maqam to nahin lekin haalat yahi hai

    KHud hi bolta hun KHud hi sunta hun

    bas ye samajh mein nahin aata ki kaha kya hai aur suna kya hai

    waise ye samjhe samjhane wali baat bhi TeDhi KHair hai

    'ghaalib' ne kaha tha

    bak raha hun junun mein kya kya kuchh kuchh na samjhe KHuda kariye koi

    aur is se pahle 'mir-dard' ne bahut dard se bataya tha

    samajhte the na magar sunte the tarana-e-dard samajh mein aane laga jab to phir suna na gaya

    wassalam

    Source:

    din kaa phool (Pg. 63)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now