wo bichhDa hai to yaad aaya

vo bichhḌā hai to yaad aayā

vo aksar mujh se kahtā thā

mohabbat vo nahīñ hai jo ye nasl-e-nau samajhtī hai

ye pahroñ phone par bāteñ

ye aa.e din mulāqāteñ

agar ye sab mohabbat hai

to tuf aisī mohabbat par

mohabbat to mohabbat hai

visāl o vasl kī ḳhvāhish se bālā-tar

kahā kartā

mohabbat qurb kī ḳhvāhish pe aa.e to samajh lenā

havas ne sar uThāyā hai

havas kyā hai

faqat jismoñ kī pāmālī faqat tazlīl rūhoñ kī

kahā kartā mohabbat aur hotī hai

havas kuchh aur hotī hai

sau jab bhī qurb kī ḳhvāhish pe aa jaa.e mohabbat to

suno phir der mat karnā vahīñ rasta badal lenā

vo bachhḌā hai to yaad aayā

wo bichhDa hai to yaad aaya

wo aksar mujh se kahta tha

mohabbat wo nahin hai jo ye nasl-e-nau samajhti hai

ye pahron phone par baaten

ye aae din mulaqaten

agar ye sab mohabbat hai

to tuf aisi mohabbat par

mohabbat to mohabbat hai

visal o wasl ki KHwahish se baala-tar

kaha karta

mohabbat qurb ki KHwahish pe aae to samajh lena

hawas ne sar uThaya hai

hawas kya hai

faqat jismon ki pamali faqat tazlil ruhon ki

kaha karta mohabbat aur hoti hai

hawas kuchh aur hoti hai

sau jab bhi qurb ki KHwahish pe aa jae mohabbat to

suno phir der mat karna wahin rasta badal lena

wo bachhDa hai to yaad aaya