wo hansti hai to uske hath rote hain

Abbas Tabish

wo hansti hai to uske hath rote hain

Abbas Tabish

MORE BYAbbas Tabish

    kisī ke ba.ad

    apne hāthoñ bad-sūratī meñ kho ga.ī hai vo

    mujhe kahtī hai 'tābish'! tum ne dekhā mere hāthoñ ko

    bure haiñ naañ?

    agar ye ḳhūbsūrat the to in meñ koī bosa kyuuñ nahīñ Thahrā''

    ajab laḌkī hai

    puure jism se kaT kar faqat hāthoñ meñ zinda hai

    surāhī-dār gardan narm hoñToñ tez nazroñ se vo bad-zan hai

    ki in apnoñ ne us ko sar-e-bāzār pheñkā thā

    kabhī āñkhoñ meñ Duubī

    aur kabhī bistar pe silvaT tarah ubhrī

    ajab laḌkī hai

    ḳhud ko DhūñDtī hai

    apne hāthoñ lakīroñ meñ

    jahāñ vo thī na hai, ā.inda bhī shāyad nahīñ hogī

    vo jab uñglī ghumā kar

    'faiz' nazmeñ sunātī hai

    to is ke haath se puure badan dukh jhalaktā hai

    vo hañstī hai to us ke haath rote haiñ

    ajab laḌkī hai

    puure jism se kaT kar faqat hāthoñ meñ zinda hai

    mujhe kahtī hai '''tābish'! tum ne dekhā mere hāthoñ ko

    bure haiñ nāñ''?

    maiñ shāyad gir chukā huuñ apnī nazroñ se

    maiñ chhupnā chāhtā huuñ us ke thaile meñ

    jahāñ cigarette haiñ māchis hai

    jo us haal maazī aur mustaqbil!

    ajab laḌkī hai

    aa.e to ḳhushī tarah aatī hai

    use mujh se mohabbat hai

    ki shāyad mujh meñ bhī bad-sūratī hai us ke hāthoñ kii!

    kisi ke baad

    apne hathon ki bad-surati mein kho gai hai wo

    mujhe kahti hai 'tabish'! tum ne dekha mere hathon ko

    bure hain nan?

    agar ye KHubsurat the to in mein koi bosa kyun nahin Thahra

    ajab laDki hai

    pure jism se kaT kar faqat hathon mein zinda hai

    surahi-dar gardan narm honTon tez nazron se wo bad-zan hai

    ki in apnon ne hi us ko sar-e-bazar phenka tha

    kabhi aankhon mein Dubi

    aur kabhi bistar pe silwaT ki tarah ubhri

    ajab laDki hai

    KHud ko DhunDti hai

    apne hathon ki lakiron mein

    jahan wo thi na hai, aainda bhi shayad nahin hogi

    wo jab ungli ghuma kar

    'faiz' ki nazmen sunati hai

    to is ke hath se pure badan ka dukh jhalakta hai

    wo hansti hai to us ke hath rote hain

    ajab laDki hai

    pure jism se kaT kar faqat hathon mein zinda hai

    mujhe kahti hai 'tabish'! tum ne dekha mere hathon ko

    bure hain nan?

    main shayad gir chuka hun apni nazron se

    main chhupna chahta hun us ke thaile mein

    jahan cigarette hain machis hai

    jo us ka haal mazi aur mustaqbil!

    ajab laDki hai

    aae to KHushi ki tarah aati hai

    use mujh se mohabbat hai

    ki shayad mujh mein bhi bad-surati hai us ke hathon ki!

    Source :
    • Book : Ishq Abaad (kulliyat) (Pg. 343)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now