aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yaad-e-watan

Shakir Merathi

yaad-e-watan

Shakir Merathi

MORE BYShakir Merathi

    in shāndār mahloñ ko kyā karūñ maiñ le kar

    lagtā nahīñ hai merā dil aah in meñ dam bhar

    in meñ nahīñ hai merī dil-bastagī manzar

    dil kash kahīñ hai is se ujḌā huā mirā ghar

    mil jaa.e kaash mujh ko ghar aah! merā pyārā

    ġhurbat meñ mujh ko rahnā dam bhar nahīñ gavārā

    haiñ barkateñ utartī jis ghar meñ āsmāñ se

    pyārā hai aah vo ghar mere liye jahāñ se

    ai ghar sivā hai dil-kash to rauza-e-jināñ se

    haañ azīz-tar hai mujh ko hazār jaañ se

    mil jaa.e kaash mujh ko ghar aah! merā pyārā

    ġhurbat meñ mujh ko rahnā dam bhar nahīñ gavārā

    āvāra-e-vatan huuñ gum-karda-ḳhānumāñ huuñ

    sahrā meñ muddatoñ se meñ gard-e-kārvāñ huuñ

    ro ro ke aah kartā misl-e-jaras fuġhāñ huuñ

    ġhurbat meñ maiñ ragaḌtā barsoñ se eḌiyāñ huuñ

    mil jaa.e kaash mujh ko ghar aah! merā pyārā

    ġhurbat meñ mujh ko rahnā dam bhar nahīñ gavārā

    thā chhoTī chhoTī chiḌiyoñ ko maiñ jahāñ bulātā

    aur giit thā ḳhushī ke maqdam meñ un ke gaatā

    vo ghar meñ thiiñ chahaktī maiñ ghar meñ gungunātā

    tāneñ sunātī thiiñ vo maiñ loriyāñ sunātā

    mil jaa.e kaash mujh ko ghar aah! merā pyārā

    ġhurbat meñ mujh ko rahnā dam bhar nahīñ gavārā

    in shandar mahlon ko kya karun main le kar

    lagta nahin hai mera dil aah in mein dam bhar

    in mein nahin hai meri dil-bastagi ka manzar

    dil kash kahin hai is se ujDa hua mera ghar

    mil jae kash mujh ko ghar aah! mera pyara

    ghurbat mein mujh ko rahna dam bhar nahin gawara

    hain barkaten utarti jis ghar mein aasman se

    pyara hai aah wo ghar mere liye jahan se

    ai ghar siwa hai dil-kash to rauza-e-jinan se

    han tu aziz-tar hai mujh ko hazar jaan se

    mil jae kash mujh ko ghar aah! mera pyara

    ghurbat mein mujh ko rahna dam bhar nahin gawara

    aawara-e-watan hun gum-karda-KHanuman hun

    sahra mein muddaton se mein gard-e-karwan hun

    ro ro ke aah karta misl-e-jaras fughan hun

    ghurbat mein main ragaDta barson se eDiyan hun

    mil jae kash mujh ko ghar aah! mera pyara

    ghurbat mein mujh ko rahna dam bhar nahin gawara

    tha chhoTi chhoTi chiDiyon ko main jahan bulata

    aur git tha KHushi ke maqdam mein un ke gata

    wo ghar mein thin chahakti main ghar mein gungunata

    tanen sunati thin wo main loriyan sunata

    mil jae kash mujh ko ghar aah! mera pyara

    ghurbat mein mujh ko rahna dam bhar nahin gawara

    Source:

    Hamari Qaumi Shaeri (Pg. 421)

    • Author: Ali Jawad Zaidi
      • Edition: 1998
      • Publisher: Uttar Pradesh Urdu Acadmi (Lucknow)
      • Year of Publication: 1998

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now