yaad

merī mahbūb tujhe

yaad bhī haiñ vo lamhe

vo shab-e-vasl

ki jab ḳhvāb sañvar aa.e the

ism-e-āzam kī tarah

vird-e-zabāñ thā koī

jaise aabid ho musalle pe zabāñ khole hue

ḳhāmushī aisī ki jug biit ga.e bole hue

ek ne ek ko paiġhām diyā ho jaise

ek ne ek se paiġhām liyā ho jaise

vajd kī niiñd meñ kuchh der talak so.e bhī the

raqs kī nuqra.ī jhankār meñ yuuñ kho.e bhī the

ham charāġhoñ kī tarah sub.h talak jalte rahe

haath meñ haath liye duur talak chalte rahe

merī mahbūb

tujhe yaad bhī haiñ vo lamhe

vo shab-e-vasl ki jab ḳhvāb sañvar aa.e the

ab na sarshārī-e-'hāfiz' hai na 'ġhālib' kī ġhazal

fikr-e-'sādī' kī umañgeñ haiñ na 'ḳhayyām' kā taur

rajnigandha kī kahānī ko sabhī bhuul ga.e

yaad shīrīñ kā zamāna hai na farhād kā daur

TimTimāte hue ākāsh ke tāroñ kī tarah

TuuT ke maiñ bhī kisī roz bikhar jā.ūñgā

merī mahbūb terī paak mohabbat kī qasam

husn-e-yūsuf kī qasam apnī sadāqat kī qasam

zindagī zaḳhm hai iisā kī nubuvvat kī qasam

meri mahbub tujhe

yaad bhi hain wo lamhe

wo shab-e-wasl

ki jab KHwab sanwar aae the

ism-e-azam ki tarah

wird-e-zaban tha koi

jaise aabid ho musalle pe zaban khole hue

KHamushi aisi ki jug bit gae bole hue

ek ne ek ko paigham diya ho jaise

ek ne ek se paigham liya ho jaise

wajd ki nind mein kuchh der talak soe bhi the

raqs ki nuqrai jhankar mein yun khoe bhi the

hum charaghon ki tarah subh talak jalte rahe

hath mein hath liye dur talak chalte rahe

meri mahbub

tujhe yaad bhi hain wo lamhe

wo shab-e-wasl ki jab KHwab sanwar aae the

ab na sarshaari-e-'hafiz' hai na 'ghaalib' ki ghazal

fikr-e-'sadi' ki umangen hain na 'KHayyam' ka taur

rajnigandha ki kahani ko sabhi bhul gae

yaad shirin ka zamana hai na farhad ka daur

TimTimate hue aakash ke taron ki tarah

TuT ke main bhi kisi roz bikhar jaunga

meri mahbub teri pak mohabbat ki qasam

husn-e-yusuf ki qasam apni sadaqat ki qasam

zindagi zaKHm hai isa ki nubuwwat ki qasam