shahr-e-dost

Farooq Bakshi

shahr-e-dost

Farooq Bakshi

MORE BYFarooq Bakshi

    vo shahr-e-dost bhī

    ruḳhsat huā ki jis ne sadā

    hamāre dil meñ khilā.e the chāhatoñ ke gulāb

    ḳhumār baaqī hai ab tak hamārī āñkhoñ meñ

    hasīn lamhoñ jo us ke dam se raushan the

    tumhāre ba.ad bhī ā.eñge yuuñ to sab mausam

    bahut satā.eñge lekin har ek mauqa par

    jo hote tum to

    ye kaam is tarah karte

    kareñge yaad tumheñ ham ka.ī havāloñ se

    ajiib shaḳhs thā

    kaḌvī-kasīlī sun kar bhī

    na tez bolā kisī se

    na vo huā nārāz

    sajā.e rahtā thā hoñToñ pe chāhatoñ ke gulāb

    bichhaḌ rahe ho to va.ada karo mire hamdam

    kabhī jo guzro idhar se to bhuul mat jaanā

    yahīñ mileñge kisī mūlsarī ke peḌ tale

    kareñge bāteñ shrañgār-ras ke dohoñ

    kareñge bāteñ bihārī nāykāoñ

    kareñge bāteñ kisī ke rasīle hoñToñ

    mahaktī zulfoñ kājal us bindiyā

    lachaktī shāḳh se jismoñ

    chāñd-chehroñ

    bichhaḌ rahe ho to va.ada karo

    ki aaoge

    kabhī jo guzro idhar se to bhuul mat jaanā

    tumhāre hijr ke mausam sabz chādar ko

    maiñ apne tan pe sajā.e

    yahīñ milūñgā tumheñ

    wo shahr-e-dost bhi

    ruKHsat hua ki jis ne sada

    hamare dil mein khilae the chahaton ke gulab

    KHumar baqi hai ab tak hamari aankhon mein

    hasin lamhon ka jo us ke dam se raushan the

    tumhaare baad bhi aaenge yun to sab mausam

    bahut sataenge lekin har ek mauqa par

    jo hote tum to

    ye kaam is tarah karte

    karenge yaad tumhein hum kai hawalon se

    ajib shaKHs tha

    kaDwi-kasili sun kar bhi

    na tez bola kisi se

    na wo hua naraaz

    sajae rahta tha honTon pe chahaton ke gulab

    bichhaD rahe ho to wada karo mere hamdam

    kabhi jo guzro idhar se to bhul mat jaana

    yahin milenge kisi mulsari ke peD tale

    karenge baaten shrangar-ras ke dohon ki

    karenge baaten bihaari ki naykaon ki

    karenge baaten kisi ke rasile honTon ki

    mahakti zulfon ki kajal ki us ki bindiya ki

    lachakti shaKH se jismon ki

    chand-chehron ki

    bichhaD rahe ho to wada karo

    ki aaoge

    kabhi jo guzro idhar se to bhul mat jaana

    tumhaare hijr ke mausam ki sabz chadar ko

    main apne tan pe sajae

    yahin milunga tumhein

    Source :
    • Book : Udas Lamhon Ke Mausam (Poetry) (Pg. 23)
    • Author : Farooq Bakhshi
    • Publication : Modern Publishing House (2003)
    • Edition : 2003

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now