yaaden

bahut sambhāl ke rakkheñ haiñ

ham ne un vaqtoñ kī yādeñ

jo hameñ maġhmūm rakhte the

jo apne apne vaqtoñ meñ

ham par musallat rahe

un dinoñ meñ masrūfiyat ke bāvajūd

ham zindagī ko aise dekh rahe the

jaise

ḳhud se kah rahe hoñ

ham nahīñ laḌnā chāhte un ke in irādoñ se

jo hameñ maliyāmeT karnā chāhte haiñ

ham jānte the

un ke irādoñ ke sāmne hamāre irāde

un kā muñh-toḌ javāb de sakte haiñ

lekin hamārī ḳhāmoshī ne un ko baḌhāvā diyā

ye hamāre ird-gard udāsī kā dā.era

tañg karte rahe

yahāñ tak ki ham is udāsī ke aadī ho ga.e

log kahte haiñ

ham us vaqt hamesha hālat-e-jañg meñ nazar aate the

jhele hue dinoñ ko ham aaj bhī nahīñ bhūle

bahut saiñt kar rakhī haiñ ham ne un vaqtoñ kī yādeñ

apne asāse meñ

apne purāne sandūq meñ

ye shāyad

jab ham par koī jurm aa.ed ho rahā ho

ye hamārī himāyat meñ purāne sandūq se bāhar aa jaa.eñ

bahut sambhaal ke rakkhen hain

hum ne un waqton ki yaaden

jo hamein maghmum rakhte the

jo apne apne waqton mein

hum par musallat rahe

un dinon mein masrufiyat ke bawajud

hum zindagi ko aise dekh rahe the

jaise

KHud se kah rahe hon

hum nahin laDna chahte un ke in iradon se

jo hamein maliyameT karna chahte hain

hum jaante the

un ke iradon ke samne hamare irade

un ka munh-toD jawab de sakte hain

lekin hamari KHamoshi ne un ko baDhawa diya

ye hamare ird-gard udasi ka daera

tang karte rahe

yahan tak ki hum is udasi ke aadi ho gae

log kahte hain

hum us waqt hamesha haalat-e-jang mein nazar aate the

jhele hue dinon ko hum aaj bhi nahin bhule

bahut saint kar rakhi hain hum ne un waqton ki yaaden

apne asase mein

apne purane sanduq mein

ye shayad

jab hum par koi jurm aaed ho raha ho

ye hamari himayat mein purane sanduq se bahar aa jaen