yani

Meeraji

yani

Meeraji

MORE BYMeeraji

    maiñ sochtā huuñ ik nazm likhūñ

    lekin is meñ kyā baat kahūñ

    ik baat meñ bhī sau bāteñ haiñ

    kahīñ jīteñ haiñ kahīñ māteñ haiñ

    dil kahtā hai maiñ suntā huuñ

    man-māne phuul yuuñ chuntā huuñ

    jab maat ho mujh ko chup na rahūñ

    aur jiit jo ho darrāna kahūñ

    pal ke pal meñ ik nazm likhūñ

    lekin is meñ kyā baat kahūñ

    jab yuuñ uljhan baḌh jaatī hai

    tab dhyān devī aatī hai

    aksar to vo chup rahtī hai

    kahtī hai to itnā kahtī hai

    kyuuñ sochte ho ik nazm likho

    kyuuñ apne dil baat kaho

    behtar to yahī hai chup raho

    lekin phir soch ye aatī hai

    jab naddī bahtī jaatī hai

    aur apnī anant kahānī meñ

    yuuñ be-dhyānī meñ ravānī meñ

    maanā har moḌ pe muḌtī hai

    par kah ke guzartī hai

    sar par aa.ī sah jaatī hai

    aur muñh aa.ī kah jaatī hai

    dhartī ke siine pe chaḌhtī hai

    aur aage aage baḌhtī hai

    yuuñ maiñ bhī dil baat kahūñ

    meñ aa.e to nazm likhūñ

    chāhe ik baat meñ sau bāteñ

    jīteñ le aa.eñ māteñ

    chāhe koī baat bane na bane

    chāhe sukh hoñ dukh apne

    chāhe koī mujh se aa ke kahe

    kyuuñ bol uThe kyuuñ chup na rahe

    chāhe maiñ kah kar chup rahūñ

    maiñ sochtā huuñ ik nazm likhūñ

    lekin is meñ kyā baat kahūñ

    main sochta hun ek nazm likhun

    lekin is mein kya baat kahun

    ek baat mein bhi sau baaten hain

    kahin jiten hain kahin maten hain

    dil kahta hai main sunta hun

    man-mane phul yun chunta hun

    jab mat ho mujh ko chup na rahun

    aur jit jo ho darrana kahun

    pal ke pal mein ek nazm likhun

    lekin is mein kya baat kahun

    jab yun uljhan baDh jati hai

    tab dhyan ki dewi aati hai

    aksar to wo chup hi rahti hai

    kahti hai to itna kahti hai

    kyun sochte ho ek nazm likho

    kyun apne dil ki baat kaho

    behtar to yahi hai chup hi raho

    lekin phir soch ye aati hai

    jab naddi bahti jati hai

    aur apni anant kahani mein

    yun be-dhyani mein rawani mein

    mana har moD pe muDti hai

    par ji ki kah ke guzarti hai

    sar par aai sah jati hai

    aur munh aai kah jati hai

    dharti ke sine pe chaDhti hai

    aur aage hi aage baDhti hai

    yun main bhi dil ki baat kahun

    ji mein aae to nazm likhun

    chahe ek baat mein sau baaten

    jiten le aaen ya maten

    chahe koi baat bane na bane

    chahe sukh hon ya dukh apne

    chahe koi mujh se aa ke kahe

    kyun bol uThe kyun chup na rahe

    chahe main kah kar chup hi rahun

    main sochta hun ek nazm likhun

    lekin is mein kya baat kahun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY