yas o umid

yaas

morid-e-zulm huuñ āmāj-gah-e-tīr huuñ maiñ

taḳhta-e-mashq-e-sitam qaidi-e-zanjīr huuñ maiñ

saikḌoñ dushman-e-saffāk lage haiñ pīchhe

kitne hī nāvak-e-bedād kā naḳhchīr huuñ maiñ

shaukat-e-rafta kī taḳh.īl bhī ab mushkil hai

mahfil-e-dosh kī miTtī huī tasvīr huuñ maiñ

kis qadar apnī tabāhī pe karūñ nauha-zanī

muḳhtasar ye hai ki phūTī huī taqdīr huuñ maiñ

ham-nashīñ sail-e-havādis meñ bahā jaatā huuñ

sarhad-e-maut se nazdīk huā jaatā huuñ

ummīd

hai ġhalat nauha-e-ġham-gauhar shahvār hai tū

fil-haqīqat baḌī izzat kā sazā-vār hai tū

maujzan hai tirī rag rag meñ shahīdoñ kā lahū

badr o ahzāb kī jañgoñ kā alam-dār hai tū

jur.at-e-ḳhālid-e-jāñ-bāz milī hai tujh ko

vāris-e-zor-e-shah-e-haidar-e-karrār hai tū

kaun kahtā hai tujhe jins danī hech-mabarz

tū bahut kuchh hai agar muslim-e-bedār hai tū

tū agar chāhe nikal saktī hai sahrā meñ bhī raah

sa.i-e-paiham ke liye koh-e-girāñ ik par-e-kāh

kaun kahtā hai ki sāmān se vābasta hai

terī izzat tire īmān se vābasta hai

sab se avval tujhe lāzim hai ḳhudā kī pahchān

ādmiyat isī irfān se vābasta hai

ḳhud girā paḌtā hai lāzim hai ḳhudā kī pahchān

terī vaq.at bhī tirī aan se vābasta hai

is se kaT jaa.e to kauḌī bhī nahīñ mol tirā

qadr o qīmat tirī qur.ān se vābasta hai

tū hai shākī ki zamāna ne tujhe khoyā hai

aur zamāne ko shikāyat hai ki tū soyā hai

yas

morid-e-zulm hun aamaj-gah-e-tir hun main

taKHta-e-mashq-e-sitam qaidi-e-zanjir hun main

saikDon dushman-e-saffak lage hain pichhe

kitne hi nawak-e-bedad ka naKHchir hun main

shaukat-e-rafta ki taKHil bhi ab mushkil hai

mahfil-e-dosh ki miTti hui taswir hun main

kis qadar apni tabahi pe karun nauha-zani

muKHtasar ye hai ki phuTi hui taqdir hun main

ham-nashin sail-e-hawadis mein baha jata hun

sarhad-e-maut se nazdik hua jata hun

ummid

hai ghalat nauha-e-gham-gauhar shahwar hai tu

fil-haqiqat baDi izzat ka saza-war hai tu

maujzan hai teri rag rag mein shahidon ka lahu

badr o ahzab ki jangon ka alam-dar hai tu

jurat-e-KHalid-e-jaan-baz mili hai tujh ko

waris-e-zor-e-shah-e-haidar-e-karrar hai tu

kaun kahta hai tujhe jins dani hech-mabarz

tu bahut kuchh hai agar muslim-e-bedar hai tu

tu agar chahe nikal sakti hai sahra mein bhi rah

sai-e-paiham ke liye koh-e-giran ek par-e-kah

kaun kahta hai ki saman se wabasta hai

teri izzat tere iman se wabasta hai

sab se awwal tujhe lazim hai KHuda ki pahchan

aadmiyat isi irfan se wabasta hai

KHud gira paDta hai lazim hai KHuda ki pahchan

teri waqat bhi teri aan se wabasta hai

is se kaT jae to kauDi bhi nahin mol tera

qadr o qimat teri quran se wabasta hai

tu hai shaki ki zamana ne tujhe khoya hai

aur zamane ko shikayat hai ki tu soya hai