yakum may

qatl-e-gul qatl-e-sabā qatl-e-sahar kī taqrīb

mun.aqid hotī rahī bārhā aivānoñ meñ

qila-e-jabr-o-tashaddud meñ

qasr-e-zulmat meñ

ḳhalvat-e-shab meñ

gāhe-gāhe sar-e-rāhe

aur is baar ye taqrīb baḌī shaan ke saath

mun.aqid ahl-e-havas ke hāthoñ

rahguzāroñ pe huī

bar-sar-e-bāzār huī

kūcha-e-shahr-e-nigārāñ meñ huī

dasht-o-sahrā meñ huī

kohsāroñ meñ huī

nām-e-gul nām-e-sabā nām-e-sahar vird-e-zabāñ

har-nafas gām-ba-gām

mohtaram hai ravish-e-makr-o-fareb-e-paiham

sheva-e-rāhzanī kī ḳhair

pesha-e-qatl kī azmat kī duhā.ī diije

dast-e-qātil ke taqaddus kī qasam khaa.ī ga.ī

sāthiyo chalte raho

ham rivāyāt-e-chicago ke amiiñ

ḳhūn-e-fučík ke taqaddus ke amiiñ

azmat-e-ḳhūn-e-lumumba ke amiiñ

ḳhūn-e-nāsir ke amiiñ

nazr-e-ḳhūñ dete rahe haiñ

sar-e-mahfil sar-e-zindāñ sar-e-maqtal sar-e-dār

nazr-e-ḳhūñ dete raheñge ham log

qatl-e-gul qatl-e-saba qatl-e-sahar ki taqrib

munaqid hoti rahi barha aiwanon mein

qila-e-jabr-o-tashaddud mein

qasr-e-zulmat mein

KHalwat-e-shab mein

gahe-gahe sar-e-rahe

aur is bar ye taqrib baDi shan ke sath

munaqid ahl-e-hawas ke hathon

rahguzaron pe hui

bar-sar-e-bazar hui

kucha-e-shahr-e-nigaran mein hui

dasht-o-sahra mein hui

kohsaron mein hui

nam-e-gul nam-e-saba nam-e-sahar wird-e-zaban

har-nafas gam-ba-gam

mohtaram hai rawish-e-makr-o-fareb-e-paiham

shewa-e-rahzani ki KHair

pesha-e-qatl ki azmat ki duhai dije

dast-e-qatil ke taqaddus ki qasam khai gai

sathiyo chalte raho

hum riwayat-e-chicago ke amin

KHun-e-fučík ke taqaddus ke amin

azmat-e-KHun-e-lumumba ke amin

KHun-e-nasir ke amin

nazr-e-KHun dete rahe hain

sar-e-mahfil sar-e-zindan sar-e-maqtal sar-e-dar

nazr-e-KHun dete rahenge hum log