yaum-e-KHawatin

aaj bhī koī kahīñ gosh-bar-āvāz na thā

aaj bhī chāroñ taraf log the andhe bahre

aaj bhī merī har ik soch pe baiThe pahre

aaj bhī tum mirī har saañs ke mālik Thahre

merā gum-nām sā khoyā sā ye bechain vajūd

ek pahchān kā sadiyoñ se jo dīvāna rahā

aaj bhī apne se begāna rahā

aur jiyā bhī to jiyā ban ke kisī kā saaya

aaj bhī mujh se mirā maiñ nahīñ milne paayā

aaj bhī maiñ ne ḳhud apne se mulāqāt na kī

ek pal hī ko sahī

apne hī dil se magar dil kī koī baat na kī

biitī sadiyoñ kī tarah

aaj bhī aaj kā din biit gayā

aaj bhi koi kahin gosh-bar-awaz na tha

aaj bhi chaaron taraf log the andhe bahre

aaj bhi meri har ek soch pe baiThe pahre

aaj bhi tum meri har sans ke malik Thahre

mera gum-nam sa khoya sa ye bechain wajud

ek pahchan ka sadiyon se jo diwana raha

aaj bhi apne se begana raha

aur jiya bhi to jiya ban ke kisi ka saya

aaj bhi mujh se mera main nahin milne paya

aaj bhi main ne KHud apne se mulaqat na ki

ek pal hi ko sahi

apne hi dil se magar dil ki koi baat na ki

biti sadiyon ki tarah

aaj bhi aaj ka din bit gaya