ye ek mohabbat hai

shāyad ye ek

tavīl ḳhat kā ḳhulāsa hai

jo tum tak nahīñ pahuñch sakegā

ek nā-mukammal kahānī kā iqtibās

jise tum nahīñ sun sakoge

shāyad ye tumhāre liye likhī jaane vaalī taqrīr kā ibtidā.ī hissa hai

yā us giit ke bol

jo sirf almaiya mauqoñ par gaayā jaatā hai

yā vo paiġhām jise saarī duniyā meñ

baar baar dohrāyā jaatā hai

ye aañsū hai jo marne vāloñ kī

jeb se barāmad hotā hai

ye ek tiir hai

jo zinda rahne vāloñ ke dil meñ hamesha paivast rahtā hai

ek talvār jis se āñkheñ nikālī jā saktī haiñ

aur ek pistol jo sirf

kanpaTī par rakh ke chalā.ī jaatī hai

ye ek sitāra hai jo bārish ke ba.ad numūdār hotā hai

ek bādal jo kabhī numūdār nahīñ hotā

aur ek mohabbat jo sitāroñ aur bādaloñ meñ

chhupne kī koshish kartī rahtī hai

shayad ye ek

tawil KHat ka KHulasa hai

jo tum tak nahin pahunch sakega

ek na-mukammal kahani ka iqtibas

jise tum nahin sun sakoge

shayad ye tumhaare liye likhi jaane wali taqrir ka ibtidai hissa hai

ya us git ke bol

jo sirf almaiya mauqon par gaya jata hai

ya wo paigham jise sari duniya mein

bar bar dohraya jata hai

ye aansu hai jo marne walon ki

jeb se baramad hota hai

ye ek tir hai

jo zinda rahne walon ke dil mein hamesha paiwast rahta hai

ek talwar jis se aankhen nikali ja sakti hain

aur ek pistol jo sirf

kanpaTi par rakh ke chalai jati hai

ye ek sitara hai jo barish ke baad numudar hota hai

ek baadal jo kabhi numudar nahin hota

aur ek mohabbat jo sitaron aur baadalon mein

chhupne ki koshish karti rahti hai