ye hai sab jhuT magar taza KHabar

nannhī sī chyūñTī ne lalkārā hai ik hāthī ko

log karte haiñ salām us kī javāñ-mardī ko

ho agar 'azm javāñ kuchh bhī nahīñ nā-mumkin

haañ takabbur hī janam detā hai nākāmī ko

hairat-angez yaqīnan hai ye saarā manzar

aaj kī taaza ḳhabar aaj kī taaza ḳhabar

saañp ke ḳhauf se ik nevlā jhāḌī meñ chhupā

kal jo thā sher nazar aatā hai gīdaḌ jaisā

kaam hikmat bhī nahīñ aatī hai be-himmat kī

saañp ne nevle ko jhāḌī meñ ghus kar maarā

mā'rka nazroñ se aisā kabhī guzrā na magar

aaj kī taaza ḳhabar aaj kī taaza ḳhabar

dekho mā'mūlī parindoñ ne kiyā hai ye kamāl

murġhiyāñ tang huiiñ kar diyā sab ne haḌtāl

khā ga.e le ke maza log sab un ke anDe

nasl ab kaise chale sāmne un ke hai savāl

murġhiyāñ baiThī haiñ haḌtāl pe tā-hadd-e-nazar

aaj kī taaza ḳhabar aaj kī taaza ḳhabar

ghaas khātā huā ik sher nazar aayā hai

ġhol ne hirnoñ ke hairat se use dekhā hai

us ko majbūr kiyā hai kisī bīmārī ne

gosht khāne se hakīmoñ ne use rokā hai

hairat-angez nazar aatā hai saarā manzar

aaj kī taaza ḳhabar aaj kī taaza ḳhabar

nannhi si chyunTi ne lalkara hai ek hathi ko

log karte hain salam us ki jawan-mardi ko

ho agar 'azm jawan kuchh bhi nahin na-mumkin

han takabbur hi janam deta hai nakaami ko

hairat-angez yaqinan hai ye sara manzar

aaj ki taza KHabar aaj ki taza KHabar

sanp ke KHauf se ek newla jhaDi mein chhupa

kal jo tha sher nazar aata hai gidaD jaisa

kaam hikmat bhi nahin aati hai be-himmat ki

sanp ne newle ko jhaDi mein ghus kar mara

ma'rka nazron se aisa kabhi guzra na magar

aaj ki taza KHabar aaj ki taza KHabar

dekho ma'muli parindon ne kiya hai ye kamal

murghiyan tang huin kar diya sab ne haDtal

kha gae le ke maza log sab un ke anDe

nasl ab kaise chale samne un ke hai sawal

murghiyan baiThi hain haDtal pe ta-hadd-e-nazar

aaj ki taza KHabar aaj ki taza KHabar

ghas khata hua ek sher nazar aaya hai

ghol ne hirnon ke hairat se use dekha hai

us ko majbur kiya hai kisi bimari ne

gosht khane se hakimon ne use roka hai

hairat-angez nazar aata hai sara manzar

aaj ki taza KHabar aaj ki taza KHabar