ye ek dohri aziyyat hai

ye ik dohrī aziyyat hai

aziyyat be-sabab hañsne kī

be-ārām rātoñ kī kahānī

shab-zadoñ ke sāmne

hañs hañs ke kahne kī

ḳhudāvand ḳhudā kī mehrbānī hai

duā.eñ aap kī haiñ

aap kī sarkār meñ zinda huuñ ḳhush huuñ

bataur nāsehāñ miltā hai koī

ba-rañg-e-mehrbāñ miltā hai koī

ba-sa.ī-e-rā.egāñ miltā hai koī

vo kam-āgāh kam-ehsās kam-āvāz laḌkī hai

vo laḌkī mujh se miltī hai

magar andar utar jaa.e to chubhtī hai

vo apnī kam-savādī jāntī hai aur sisaktī hai

ajab sūrat hai vo jab bhī kahīñ jaa.e to aa jaa.e

kahīñ rasta kināre mujh se Takrā.e to aa jaa.e

kabhī bhī apnī kaj-fahmī pe ro jaa.e to aa jaa.e

havā-e-shām kī āvāz sun paa.e to aa jaa.e

havā-e-shām ye kaisī mohabbat hai

vo laḌkī mujh se miltī hai

magar andar utar jaa.e to chubhtī hai

vo apnī kam-savādī jāntī hai aur sisaktī hai

maiñ apnī kam-savādī jāntā huuñ aur hañstā huuñ

ye ik dohrī aziyyat hai

ye ek dohri aziyyat hai

aziyyat be-sabab hansne ki

be-aram raaton ki kahani

shab-zadon ke samne

hans hans ke kahne ki

KHudawand KHuda ki mehrbani hai

duaen aap ki hain

aap ki sarkar mein zinda hun KHush hun

bataur nasehan milta hai koi

ba-rang-e-mehrban milta hai koi

ba-sai-e-raegan milta hai koi

wo kam-agah kam-ehsas kam-awaz laDki hai

wo laDki mujh se milti hai

magar andar utar jae to chubhti hai

wo apni kam-sawadi jaanti hai aur sisakti hai

ajab surat hai wo jab bhi kahin jae to aa jae

kahin rasta kinare mujh se Takrae to aa jae

kabhi bhi apni kaj-fahmi pe ro jae to aa jae

hawa-e-sham ki aawaz sun pae to aa jae

hawa-e-sham ye kaisi mohabbat hai

wo laDki mujh se milti hai

magar andar utar jae to chubhti hai

wo apni kam-sawadi jaanti hai aur sisakti hai

main apni kam-sawadi jaanta hun aur hansta hun

ye ek dohri aziyyat hai