ye jo sham zar-nigar hai

ek udaas chāñd se lagāo ke dinoñ kī yādgār hai

maiñ manzaroñ se sarsarī guzarne vaalā shaḳhs thā

yūñhī sī ek shaam thī aur ek jhiil thī

ki jis meñ us kā aks thā

so maiñ vahīñ Thahar gayā

vo chāñd mere saare jism meñ utar gayā

ye ek hijr jo azal se mere us ke darmiyān thā

magar ajab junūn thā jo chāhtā thā

dūriyoñ ko toḌ de

lagām-e-asp-e-āsmāñ zamīñ kī samt moḌ de

achānak ek sub.h merī āñkheñ bujh ga.iiñ

yā udaas chāñd ko sahar nigal ga.ī

ye jo shaam zar-nigār hai

ek udaas chāñd se lagāo ke dinoñ kī yādgār hai

ek udas chand se lagao ke dinon ki yaadgar hai

main manzaron se sarsari guzarne wala shaKHs tha

yunhi si ek sham thi aur ek jhil thi

ki jis mein us ka aks tha

so main wahin Thahar gaya

wo chand mere sare jism mein utar gaya

ye ek hijr jo azal se mere us ke darmiyan tha

magar ajab junun tha jo chahta tha

duriyon ko toD de

lagam-e-asp-e-asman zamin ki samt moD de

achanak ek subh meri aankhen bujh gain

ya udas chand ko sahar nigal gai

ye jo sham zar-nigar hai

ek udas chand se lagao ke dinon ki yaadgar hai