ye kashmir hamara hai

kesar kī kyārī hai apnī

har ik phulvārī hai apnī

jannat ye nyārī hai apnī

is jannat par ham ne apne tan-man-dhan ko vaarā hai

ham kashmīrī ham kashmīrī ye kashmīr hamārā hai

is dhartī kā nirmal paanī

ā.īne sā ujjal paanī

halkā-mīThā shītal paanī

is paanī ne apne sab khetoñ kā kaaj sañvārā hai

ham kashmīrī ham kashmīrī ye kashmīr hamārā hai

is ke viir bahādur beTe

ban jaa.eñ taqdīr ke heTe

daulat is kī ġhair sameTe

ġhairat apnī kab ye maane kab ye hameñ gavārā hai

ham kashmīrī ham kashmīrī ye kashmīr hamārā hai

naddī kī āvāz ke andar

jharne ke har saaz ke andar

jehlam ke har naaz ke andar

naġhma kitnā sundar hai ye giit ye kitnā pyārā hai

ham kashmīrī ham kashmīrī ye kashmīr hamārā hai

ek naqsh-e-arzañg bane ham

qudrat kā nairañg bane ham

bhārat kā ik añg bane ham

bhārat ke ham bhārat apnā bhārat ham ko pyārā hai

ham kashmīrī ham kashmīrī ye kashmīr hamārā hai

kesar ki kyari hai apni

har ek phulwari hai apni

jannat ye nyari hai apni

is jannat par hum ne apne tan-man-dhan ko wara hai

hum kashmiri hum kashmiri ye kashmir hamara hai

is dharti ka nirmal pani

aaine sa ujjal pani

halka-miTha shital pani

is pani ne apne sab kheton ka kaj sanwara hai

hum kashmiri hum kashmiri ye kashmir hamara hai

is ke wir bahadur beTe

ban jaen taqdir ke heTe

daulat is ki ghair sameTe

ghairat apni kab ye mane kab ye hamein gawara hai

hum kashmiri hum kashmiri ye kashmir hamara hai

naddi ki aawaz ke andar

jharne ke har saz ke andar

jehlam ke har naz ke andar

naghma kitna sundar hai ye git ye kitna pyara hai

hum kashmiri hum kashmiri ye kashmir hamara hai

ek naqsh-e-arzang bane hum

qudrat ka nairang bane hum

bhaarat ka ek ang bane hum

bhaarat ke hum bhaarat apna bhaarat hum ko pyara hai

hum kashmiri hum kashmiri ye kashmir hamara hai