aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye KHala pur na hua

Noon Meem Rashid

ye KHala pur na hua

Noon Meem Rashid

MORE BYNoon Meem Rashid

    zehan ḳhālī hai

    ḳhalā nuur se naġhme se

    nik.hat-e-gum-rāh se bhī

    pur na huā

    zehan ḳhālī rahā

    ye ḳhalā harf-e-tasallī se

    tabassum se

    kisī aah se pur na huā

    ik nafī larzish-e-paiham meñ sahī

    johd-e-be-kār ke mātam meñ sahī

    ham jo nāras bhī haiñ ġham-dīda bhī haiñ

    is ḳhalā ko

    (isī dahlīz pe so.e hue

    sarmast gadā ke mānind)

    kasī mīnār tasvīr se

    rañg jhankār se

    ḳhvāboñ ḳhushbuoñ se

    pur kyuuñ na kareñ?

    ki ajal ham se bahut duur

    bahut duur rahe?

    nahīñ ham jānte haiñ

    ham jo nāras bhī haiñ ġham-dīda bhī haiñ

    jānte haiñ ki ḳhalā hai vo jise maut nahīñ

    kas liye nuur se naġhme se

    harf-e-tasallī se ise ''jism'' banā.eñ

    aur phir maut vārafta pazīrā.ī kareñ?

    na.e hañgāmoñ tajlīl dar baaz kareñ

    sub.h-e-takmīl āġhāz kareñ?

    zehan KHali hai

    KHala nur se ya naghme se

    ya nikhat-e-gum-rah se bhi

    pur na hua

    zehan KHali hi raha

    ye KHala harf-e-tasalli se

    tabassum se

    kisi aah se pur na hua

    ek nafi larzish-e-paiham mein sahi

    johd-e-be-kar ke matam mein sahi

    hum jo naras bhi hain gham-dida bhi hain

    is KHala ko

    (isi dahliz pe soe hue

    sarmast gada ke manind)

    kasi minar ki taswir se

    ya rang ki jhankar se

    ya KHwabon ki KHushbuon se

    pur kyun na karen?

    ki ajal hum se bahut dur

    bahut dur rahe?

    nahin hum jaante hain

    hum jo naras bhi hain gham-dida bhi hain

    jaante hain ki KHala hai wo jise maut nahin

    kas liye nur se ya naghme se

    ya harf-e-tasalli se ise jism banaen

    aur phir maut ki warafta pazirai karen?

    nae hangamon ki tajlil ka dar baz karen

    subh-e-takmil ka aaghaz karen?

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now