ye kis dayar-e-adam mein

nahīñ hai yuuñ to nahīñ hai ki ab nahīñ paidā

kasī ke husn meñ shamshīr-e-āftāb kā husn

nigāh jis se milāo to aañkh dukhne lage

kisī adā meñ adā-e-ḳhirām-e-bād-e-sabā

jise ḳhayāl meñ laao to dil sulagne lage

nahīñ hai yuuñ to nahīñ hai ki ab nahīñ baaqī

jahāñ meñ bazm-gah-e-husn-o-ishq kā mela

binā-e-lutf-o-mohabbat, rivāj-e-mehr-o-vafā

ye kas dayār-e-adam meñ muqīm haiñ ham tum

jahāñ pe muz.dā-e-dīdār-e-husn-e-yār to kyā

naved-e-āmad-e-roz-e-jazā nahīñ aatī

ye kis ḳhumār-kade meñ nadīm haiñ ham tum

jahāñ pe shorish-e-rindān-e-mai-gusār to kyā

shikast-e-shīsha-e-dil kī sadā nahīñ aatī

nahin hai yun to nahin hai ki ab nahin paida

kasi ke husn mein shamshir-e-aftab ka husn

nigah jis se milao to aankh dukhne lage

kisi ada mein ada-e-KHiram-e-baad-e-saba

jise KHayal mein lao to dil sulagne lage

nahin hai yun to nahin hai ki ab nahin baqi

jahan mein bazm-gah-e-husn-o-ishq ka mela

bina-e-lutf-o-mohabbat, riwaj-e-mehr-o-wafa

ye kas dayar-e-adam mein muqim hain hum tum

jahan pe muzda-e-didar-e-husn-e-yar to kya

nawed-e-amad-e-roz-e-jaza nahin aati

ye kis KHumar-kade mein nadim hain hum tum

jahan pe shorish-e-rindan-e-mai-gusar to kya

shikast-e-shisha-e-dil ki sada nahin aati