aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye meri ghazlen ye meri nazMein

Ahmad Faraz

ye meri ghazlen ye meri nazMein

Ahmad Faraz

MORE BYAhmad Faraz

    ye merī ġhazleñ ye merī nazmeñ

    tamām terī hikāyateñ haiñ

    ye tazkire tere lutf ke haiñ

    ye sher terī shikāyateñ haiñ

    maiñ sab tirī nazr kar rahā huuñ

    ye un zamānoñ sā.ateñ haiñ

    jo zindagī ke na.e safar meñ

    tujhe kisī vaqt yaad aa.eñ

    to ek ik harf uThegā

    pahan ke anfās qabā.eñ

    udaas tanhā.iyoñ ke lamhoñ

    meñ naach uTTheñgī ye apsarā.eñ

    mujhe tire dard ke alāva bhī

    aur dukh the ye māntā huuñ

    hazār ġham the jo zindagī

    talāsh meñ the ye jāntā huuñ

    mujhe ḳhabar thī ki tere āñchal meñ

    dard ret chhāntā huuñ

    magar har ik baar tujh ko chhū kar

    ye ret rañg-e-hinā banī hai

    ye zaḳhm gulzār ban ga.e haiñ

    ye āh-e-sozāñ ghaTā banī hai

    ye dard mauj-e-sabā huā hai

    ye aag dil sadā banī hai

    aur ab ye saarī matā-e-hastī

    ye phuul ye zaḳhm sab tire haiñ

    ye dukh ke nauhe ye sukh ke naġhme

    jo kal mire the vo ab tire haiñ

    jo terī qurbat tirī judā.ī

    meñ kaT ga.e roz-o-shab tire haiñ

    vo terā shā.ir tirā muġhannī

    vo jis bāteñ ajiib thiiñ

    vo jis ke andāz ḳhusravāna the

    aur adā.eñ ġharīb thiiñ

    vo jis ke jiine ḳhvāhisheñ bhī

    ḳhud us ke apne nasīb thiiñ

    na pūchh is ki vo divāna

    bahut dinoñ ujaḌ chukā hai

    vo kohkan to nahīñ thā lekin

    kaḌī chaTānoñ se laḌ chukā hai

    vo thak chukā thā aur us tesha

    usī ke siine meñ gaḌ chukā hai

    ye meri ghazlen ye meri nazmen

    tamam teri hikayaten hain

    ye tazkire tere lutf ke hain

    ye sher teri shikayaten hain

    main sab teri nazr kar raha hun

    ye un zamanon ki saaten hain

    jo zindagi ke nae safar mein

    tujhe kisi waqt yaad aaen

    to ek ek harf ji uThega

    pahan ke anfas ki qabaen

    udas tanhaiyon ke lamhon

    mein nach uTThengi ye apsaraen

    mujhe tere dard ke alawa bhi

    aur dukh the ye manta hun

    hazar gham the jo zindagi ki

    talash mein the ye jaanta hun

    mujhe KHabar thi ki tere aanchal mein

    dard ki ret chhanta hun

    magar har ek bar tujh ko chhu kar

    ye ret rang-e-hina bani hai

    ye zaKHm gulzar ban gae hain

    ye aah-e-sozan ghaTa bani hai

    ye dard mauj-e-saba hua hai

    ye aag dil ki sada bani hai

    aur ab ye sari mata-e-hasti

    ye phul ye zaKHm sab tere hain

    ye dukh ke nauhe ye sukh ke naghme

    jo kal mere the wo ab tere hain

    jo teri qurbat teri judai

    mein kaT gae roz-o-shab tere hain

    wo tera shair tera mughanni

    wo jis ki baaten ajib si thin

    wo jis ke andaz KHusrawana the

    aur adaen gharib si thin

    wo jis ke jine ki KHwahishen bhi

    KHud us ke apne nasib si thin

    na puchh is ka ki wo diwana

    bahut dinon ka ujaD chuka hai

    wo kohkan to nahin tha lekin

    kaDi chaTanon se laD chuka hai

    wo thak chuka tha aur us ka tesha

    usi ke sine mein gaD chuka hai

    Videos
    This video is playing from YouTube

    Videos
    This video is playing from YouTube

    Ahmad Faraz

    Ahmad Faraz

    Ahmad Faraz

    Ahmad Faraz

    Ahmad Faraz

    Ahmad Faraz

    Source:

    Muntakhab Shahkar Nazmon Ka Album) (Pg. 172)

    • Author: Munavvar Jameel
      • Edition: 2000
      • Publisher: Haji Haneef Printer Lahore
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now