ye meri ghazlen ye meri nazMein

Qateel Shifai

ye meri ghazlen ye meri nazMein

Qateel Shifai

MORE BYQateel Shifai

    ye merī ġhazleñ ye merī nazmeñ

    jo maiñ ne tujh se bichhaḌ ke likkhīñ

    unheñ koī chhāptā nahīñ hai

    maiñ jab bhī tere firāq nauha likh ke lā.ūñ

    suḳhan-shanāsoñ ko merā tarz-e-amal na bhaa.e

    tirī mohabbat dard ho jis ġhazal meñ shāmil

    kisī ko aisī ġhazal na bhaa.e

    javāb aa.e

    ki jaane vāloñ ko yaad karne se koī bhī fā.eda nahīñ hai

    maiñ terī yādoñ ko gūñdh kar apnī hasratoñ meñ

    tarāshtā huuñ agar tirā dil-navāz paikar

    vo log dete haiñ mujh ko but-parastī ta.ana

    juḌe haiñ jin ke diloñ meñ patthar

    vahī sanam-gar

    kareñ nasīhat butoñ pe marne se koī bhī fā.eda nahīñ hai

    maiñ zikr kartā huuñ jab vasl rutoñ

    to shahr ke saare pārsā mujh ko Tokte haiñ

    ḳhilāf-e-aḳhlāq jin ke nazdīk hai mohabbat

    vafāoñ se mujh ko rokte haiñ

    kachokte haiñ

    ki apnī izzat pe naam dharne se koī bhī fā.eda nahīñ hai

    agar kabhī maiñ judā.iyoñ sabab batā.ūñ

    to merī nazmoñ se ḳhauf khāne lageñ jarīde

    samāj par ehtijāj karne haq jo māñgoñ

    koī ye kah kar zabān de

    likho qasīde

    ki ḳhud ko yuuñ be-lagām karne se koī bhī fā.eda nahīñ hai

    isī liye to habīb mere

    ye merī ġhazleñ ye merī nazmeñ

    jo maiñ ne tujh se bichhaḌ ke likhīñ

    unheñ koī chhāptā nahīñ hai

    ye meri ghazlen ye meri nazmen

    jo main ne tujh se bichhaD ke likkhin

    unhen koi chhapta nahin hai

    main jab bhi tere firaq ka nauha likh ke laun

    suKHan-shanason ko mera tarz-e-amal na bhae

    teri mohabbat ka dard ho jis ghazal mein shamil

    kisi ko aisi ghazal na bhae

    jawab aae

    ki jaane walon ko yaad karne se koi bhi faeda nahin hai

    main teri yaadon ko gundh kar apni hasraton mein

    tarashta hun agar tera dil-nawaz paikar

    wo log dete hain mujh ko but-parasti ka tana

    juDe hain jin ke dilon mein patthar

    wahi sanam-gar

    karen nasihat buton pe marne se koi bhi faeda nahin hai

    main zikr karta hun jab wasl ki ruton ka

    to shahr ke sare parsa mujh ko Tokte hain

    KHilaf-e-aKHlaq jin ke nazdik hai mohabbat

    wafaon se mujh ko rokte hain

    kachokte hain

    ki apni izzat pe nam dharne se koi bhi faeda nahin hai

    agar kabhi main judaiyon ka sabab bataun

    to meri nazmon se KHauf khane lagen jaride

    samaj par ehtijaj karne ka haq jo mangon

    koi ye kah kar zaban si de

    likho qaside

    ki KHud ko yun be-lagam karne se koi bhi faeda nahin hai

    isi liye to habib mere

    ye meri ghazlen ye meri nazmen

    jo main ne tujh se bichhaD ke likhin

    unhen koi chhapta nahin hai

    Source :
    • Book : Muntakhab Shahkar Nazmon Ka Album) (Pg. 151)
    • Author : Munavvar Jameel
    • Publication : Haji Haneef Printer Lahore (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY