ye puri kaenat

ye puurī kā.enāt

maiñ sirf tumhāre nizām-e-shamsī kī baat nahīñ kar rahā huuñ

is zaat kā ā.īna hai

jo ek lafz-e-kun se aise kitne hī nizām haa.e shams ḳhalq kar saktī hai

aur ā.īna

kabhī kizb-bayānī se kaam nahīñ letā

tum

jo nafs-e-ammāra ke ā.īne se dekhne ke aadī ho

kabhī ḳhud ko nafs-e-mutma.inna ke darpan meñ nahīñ dekhte

agar tum dekh sako

to

qudrat kī ne.amateñ tumheñ kabhī sajda-e-shukr se uThne na deñ

sadaf

samundar se alag ho kar motī paidā nahīñ kar saktā

aur bahr-e-sadāqat meñ utre baġhair tum

zindagī ke sadaf se gauhar-e-nashāt hāsil nahīñ kar sakte

ye puri kaenat

main sirf tumhaare nizam-e-shamsi ki baat nahin kar raha hun

is zat ka aaina hai

jo ek lafz-e-kun se aise kitne hi nizam hae shams KHalq kar sakti hai

aur aaina

kabhi kizb-bayani se kaam nahin leta

tum

jo nafs-e-ammara ke aaine se dekhne ke aadi ho

kabhi KHud ko nafs-e-mutmainna ke darpan mein nahin dekhte

agar tum dekh sako

to

qudrat ki neamaten tumhein kabhi sajda-e-shukr se uThne na den

sadaf

samundar se alag ho kar moti paida nahin kar sakta

aur bahr-e-sadaqat mein utre baghair tum

zindagi ke sadaf se gauhar-e-nashat hasil nahin kar sakte