zaitun ka daraKHt
Interesting Fact
Dedicated to 'Mahmood Darvesh'
mere paas
koī baaġh nahīñ hai dost
kuchh adhūre ḳhvāb ek balcony
aur do tiin gamle haiñ
jo mujhe duniyā meñ daraḳhtoñ ke
baaqī rahne kī vajūhāt batāte haiñ
aur jañgaloñ ko jalā diye jaane kī ḳhabreñ pahuñchāte haiñ
merī bahan mere kamzor pairoñ meñ
zaitūn ke tel se jaan Dālne kī koshish kartī hai
maañ hotī to vo bhī yahī kartī
kaash saarī duniyā meñ
zaitūn ke tel ke kueñ hoñ
aur kamzor pairoñ meñ jaan paḌ jaa.e
aur ham apne pyāroñ ke saath
mohabbat ke baaġh meñ roz chahal-qadmī kar sakeñ
ek daraḳht tumhāre naam kā bhī hogā
mere dost
taaki ham hamesha mohabbat aur shifā-yābī ke mo.ajaze meñ
ek dūsre ke sharīk raheñ
mere pas
koi bagh nahin hai dost
kuchh adhure KHwab ek balcony
aur do tin gamle hain
jo mujhe duniya mein daraKHton ke
baqi rahne ki wajuhat batate hain
aur jangalon ko jala diye jaane ki KHabren pahunchate hain
meri bahan mere kamzor pairon mein
zaitun ke tel se jaan Dalne ki koshish karti hai
man hoti to wo bhi yahi karti
kash sari duniya mein
zaitun ke tel ke kuen hon
aur kamzor pairon mein jaan paD jae
aur hum apne pyaron ke sath
mohabbat ke bagh mein roz chahal-qadmi kar saken
ek daraKHt tumhaare nam ka bhi hoga
mere dost
taki hum hamesha mohabbat aur shifa-yabi ke moajaze mein
ek dusre ke sharik rahen
Source:
saarii nazmen (Pg. 732)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
