zaKHmi KHwabon ki tisri duniya

Zahid Imroz

zaKHmi KHwabon ki tisri duniya

Zahid Imroz

MORE BYZahid Imroz

    sadar-e-mumlikat ne

    apnī daulat ko zarb lagā.ī

    aur parā-e-mulk meñ ek qabr kirā.e par le

    tā-ki us laash mahfūz rahe

    raushnī ne duniyā safar kiyā

    magar kisī adālat meñ insāf na milā

    ki andhe tarāzū ne to kabhī āñkheñ nahīñ kholīñ

    dīvāreñ tamām raat jāgtī rahīñ

    sāmān paḌā rahā

    lekin gharoñ se laḌkiyāñ churā ga.iiñ

    ek jism ko ka.ī jismoñ ne chhuā

    to bichārī rūhoñ ne apne chehroñ par qai

    laḌkī maañ to banī biyāhī na ga.ī

    us ne āñsuoñ se ġhusl kiyā

    magar paak na huī

    hameñ duniyā meñ dozaḳh milī

    kyūñki ham us laḌkī ke ghar paidā hue

    jis baap faaqe se mar gayā

    aur maañ beva-ḳhvāboñ ghuTan se

    us raat chāñd ko qatl kar diyā gayā

    aur ham bhā.iyoñ ne

    vīrān saḌak par ḳhud-kushī kar

    sadar-e-mumlikat ne

    apni daulat ko zarb lagai

    aur para-e-mulk mein ek qabr kirae par le li

    ta-ki us ki lash mahfuz rahe

    raushni ne duniya ka safar kiya

    magar kisi adalat mein insaf na mila

    ki andhe taraazu ne to kabhi aankhen hi nahin kholin

    diwaren tamam raat jagti rahin

    saman paDa raha

    lekin gharon se laDkiyan chura li gain

    ek jism ko kai jismon ne chhua

    to bichaari ruhon ne apne chehron par qai ki

    laDki man to bani biyahi na gai

    us ne aansuon se ghusl kiya

    magar pak na hui

    hamein duniya mein hi dozaKH mili

    kyunki hum us laDki ke ghar paida hue

    jis ka bap faqe se mar gaya

    aur man bewa-KHwabon ki ghuTan se

    us raat chand ko qatl kar diya gaya

    aur hum bhaiyon ne

    viran saDak par KHud-kushi kar li

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY