zamana KHuda hai

Noon Meem Rashid

zamana KHuda hai

Noon Meem Rashid

MORE BYNoon Meem Rashid

    ''zamāna ḳhudā hai use tum burā mat kaho''

    magar tum nahīñ dekhte zamāna faqat resmān-e-ḳhayāl

    subuk-māyā, nāzuk, tavīl

    judā.ī arzāñ sabīl!

    vo sub.heñ jo lākhoñ baras pesh-tar thīñ,

    vo shāmeñ jo lākhoñ baras ba.ad hoñgī,

    unheñ tum nahīñ dekhte, dekh sakte nahīñ

    ke maujūd haiñ ab bhii, maujūd haiñ vo kahīñ

    magar ye nigāhoñ ke aage jo rassī tanī hai

    use dekh sakte ho, aur dekhte ho

    ke ye vo adam hai

    jise hast hone meñ muddat lagegī

    sitāroñ ke lamhe, sitāroñ ke saal!

    mere sehan meñ ek kam-sin banafshe paudā hai

    tayyāra koī kabhī us ke sar par se guzre

    to vo muskurātā hai aur lahlahātā hai

    goyā vo tayyāra, us mohabbat meñ

    ahd-e-vafā ke kisī jabr-e-tāqat-rubā se guzrā!

    vo ḳhush-emtimādī se kahtā hai

    lo dekho, kaise isī ek rassī ke donoñ kināroñ

    se ham tum bañdhe haiñ!

    ye rassī na ho to kahāñ ham meñ tum meñ

    ho paidā ye rāh-e-visāl?

    magar hijr ke in vasīloñ ko vo dekh saktā nahīñ

    jo sarāsar azal se abad tak tane haiñ!

    jahāñ ye zamāna hanūz-e-zamāna

    faqat ik girah hai!

    zamana KHuda hai use tum bura mat kaho

    magar tum nahin dekhte zamana faqat resman-e-KHayal

    subuk-maya, nazuk, tawil

    judai ki arzan sabil!

    wo subhen jo lakhon baras pesh-tar thin,

    wo shamen jo lakhon baras baad hongi,

    unhen tum nahin dekhte, dekh sakte nahin

    ke maujud hain ab bhi, maujud hain wo kahin

    magar ye nigahon ke aage jo rassi tani hai

    use dekh sakte ho, aur dekhte ho

    ke ye wo adam hai

    jise hast hone mein muddat lagegi

    sitaron ke lamhe, sitaron ke sal!

    mere sehan mein ek kam-sin banafshe ka pauda hai

    tayyara koi kabhi us ke sar par se guzre

    to wo muskuraata hai aur lahlahata hai

    goya wo tayyara, us ki mohabbat mein

    ahd-e-wafa ke kisi jabr-e-taqat-ruba hi se guzra!

    wo KHush-emtimadi se kahta hai

    lo dekho, kaise isi ek rassi ke donon kinaron

    se hum tum bandhe hain!

    ye rassi na ho to kahan hum mein tum mein

    ho paida ye rah-e-visal?

    magar hijr ke in wasilon ko wo dekh sakta nahin

    jo sarasar azal se abad tak tane hain!

    jahan ye zamana hanuz-e-zamana

    faqat ek girah hai!

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Nomaan Shauque

    Nomaan Shauque

    Nomaan Shauque

    zamana KHuda hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY