zard aur sabz ka milap

bahār ho yā ḳhizāñ mausam donoñ hī

naġhmagī se bharpūr haiñ

vasl se judā.ī tak

ek saaz bajtā hai

jis kī dhun pe dhaḌkaneñ

māh-o-sāl kā qasīda paḌhtī haiñ

shāḳh ne chāhā

pattoñ ko joḌe rakhe magar

rang kī tabdīlī ne

mulāqāt ke zā.iqoñ kā lutf ḳhatm kar diyā

havā ne ek sabz daraḳht ko bikherā

miTTī kī ḳhushbū ne bāñheñ phailā kar

zard rang kā istiqbāl kiyā

october ke Dhalte shab-o-roz

thakan kā ehsās paidā karte hue apnā paiġhām

sabt kar rahe haiñ

ruuh udāsī ke ghere meñ

sabz rang kī mutalāshī hai

ḳhvāb ko ta.abīr pahnāte hue

maiñ ne havā kā zā.iqa chakhā

aur ye bhed pā liyā

ki zard aur sabz kā milāp

bahaar ho ya KHizan mausam donon hi

naghmagi se bharpur hain

wasl se judai tak

ek saz bajta hai

jis ki dhun pe dhaDkanen

mah-o-sal ka qasida paDhti hain

shaKH ne chaha

patton ko joDe rakhe magar

rang ki tabdili ne

mulaqat ke zaiqon ka lutf KHatm kar diya

hawa ne ek sabz daraKHt ko bikhera

miTTi ki KHushbu ne banhen phaila kar

zard rang ka istiqbaal kiya

october ke Dhalte shab-o-roz

thakan ka ehsas paida karte hue apna paigham

sabt kar rahe hain

ruh udasi ke ghere mein

sabz rang ki mutalashi hai

KHwab ko tabir pahnate hue

main ne hawa ka zaiqa chakha

aur ye bhed pa liya

ki zard aur sabz ka milap