zauq o shauq

Allama Iqbal

zauq o shauq

Allama Iqbal

MORE BYAllama Iqbal

    Interesting Fact

    (Many of these couplets were written in Palestine) (Daregh aamadam zaa.n hama bustaa.n--Tahi dast raftan suu-e- dostaa.n) (Bal-e-Jibril)

    qalb o nazar zindagī dasht meñ sub.h samāñ

    chashma-e-āftāb se nuur naddiyāñ ravāñ!

    husn-e-azal hai numūd chaak hai parda-e-vajūd

    dil ke liye hazār suud ek nigāh ziyāñ!

    surḳh o kabūd badliyāñ chhoḌ gayā sahāb-e-shab!

    koh-e-izam ko de gayā rañg-ba-rañg tailisāñ!

    gard se paak hai havā barg-e-naḳhīl dhul ga.e

    reg-e-navāh-e-kāzima narm hai misl-e-parniyāñ

    aag bujhī huī idhar, TuuTī huī tanāb udhar

    kyā ḳhabar is maqām se guzre haiñ kitne kārvāñ

    aa.ī sadā-e-jibra.īl terā maqām hai yahī

    ahl-e-firāq ke liye aish-e-davām hai yahī

    kis se kahūñ ki zahr hai mere liye mai-e-hayāt

    kohna hai baz-e-kā.ināt taaza haiñ mere vārdāt!

    kyā nahīñ aur ġhaznavī kārgah-e-hayāt meñ

    baiThe haiñ kab se muntazir ahl-e-haram ke somnāt!

    zikr-e-arab ke soz meñ, fikr-e-ajam ke saaz meñ

    ne arabī mushāhidāt, ne ajamī taḳhaiyyulāt

    qāfilā-e-hijāz meñ ek husain bhī nahīñ

    garche hai tāb-dār abhī gesū-e-dajla-o-furāt!

    aql o dil o nigāh murshid-e-avvalīñ hai ishq

    ishq na ho to shar-o-dīñ butkada-e-tasavvurāt!

    sidq-e-ḳhalīl bhī hai ishq sabr-e-husain bhī hai ishq!

    ma.arka-e-vajūd meñ badr o hunain bhī hai ishq!

    āya-e-kā.enāt ma.anī-e-der-yāb tuu!

    nikle tirī talāsh meñ qāfila-hā-e-rañg-o-bū!

    jalvatiyān-e-madrasa kor-nigāh o murda-zauq

    jalvatyān-e-maikada kam-talab o tahī-kadū!

    maiñ ki mirī ġhazal meñ hai ātish-e-rafta surāġh

    merī tamām sarguzisht kho.e huoñ justujū!

    bād-e-sabā mauj se nash-o-numā-e-ḳhār-o-ḳhas!

    mere nafas mauj se nashv-o-numā-e-ārzū!

    ḳhūn-e-dil o jigar se hai merī navā parvarish

    hai rag-e-sāz meñ ravāñ sāhib-e-sāz lahū!

    fursat-e-kashmukash meñ iiñ dil be-qarār

    yak do shikan zyāda kun gesū-e-tābdār

    lauh bhī tuu, qalam bhī tuu, terā vajūd al-kitāb!

    gumbad-e-ābgīna-rañg tere muhīt meñ habāb!

    ālam-e-āb-o-ḳhāk meñ tere zuhūr se faroġh

    zarra-e-reg ko diyā ne tulū-e-āftāb!

    shaukat-e-sanjar-o-salīm tere jalāl numūd!

    faqr-e-'juned'-o-'bāyazīd' terā jamāl be-naqāb!

    shauq tirā agar na ho merī namāz imaam

    merā qayām bhī hijāb! merā sujūd bhī hijāb!

    terī nigāh-e-nāz se donoñ murād ga.e

    aql, ġhayāb o justujū ishq, huzūr o iztirāb!

    tīra-o-tār hai jahāñ gardish-e-āftāb se!

    tab-e-zamāna taaza kar jalva-e-be-hijāb se!

    terī nazar meñ haiñ tamām mere guzishta roz o shab

    mujh ko ḳhabar na thī ki hai ilm-e-naḳhīl be-rutab!

    taaza mire zamīr meñ ma.arka-e-kuhan huaa!

    ishq tamām mustafā! aql tamām bū-lahab!

    gaah ba-hīla mī-barad, gaah ba-zor mī-kashad

    ishq ibtidā ajab ishq intihā ajab!

    ālam-e-soz-o-sāz meñ vasl se baḌh ke hai firāq

    vasl meñ marg-e-ārzū! hijr meñ lazzat-e-talab!

    ain-e-visāl meñ mujhe hausla-e-nazar na thā

    garche bahāna-jū rahī merī nigāh-e-be-adab!

    garmī-e-ārzū firāq! shorish-e-hā-o-hū firāq!

    mauj justujū firāq! qatre aabrū firāq!

    qalb o nazar ki zindagi dasht mein subh ka saman

    chashma-e-aftab se nur ki naddiyan rawan!

    husn-e-azal ki hai numud chaak hai parda-e-wajud

    dil ke liye hazar sud ek nigah ka ziyan!

    surKH o kabud badliyan chhoD gaya sahab-e-shab!

    koh-e-izam ko de gaya rang-ba-rang tailisan!

    gard se pak hai hawa barg-e-naKHil dhul gae

    reg-e-nawah-e-kazima narm hai misl-e-parniyan

    aag bujhi hui idhar, TuTi hui tanab udhar

    kya KHabar is maqam se guzre hain kitne karwan

    aai sada-e-jibrail tera maqam hai yahi

    ahl-e-firaq ke liye aish-e-dawam hai yahi

    kis se kahun ki zahr hai mere liye mai-e-hayat

    kohna hai baz-e-kainat taza hain mere wardat!

    kya nahin aur ghaznawi kargah-e-hayat mein

    baiThe hain kab se muntazir ahl-e-haram ke somnat!

    zikr-e-arab ke soz mein, fikr-e-ajam ke saz mein

    ne arabi mushahidat, ne ajami taKHaiyyulat

    qafila-e-hijaz mein ek husain bhi nahin

    garche hai tab-dar abhi gesu-e-dajla-o-furaat!

    aql o dil o nigah ka murshid-e-awwalin hai ishq

    ishq na ho to shar-o-din butkada-e-tasawwuraat!

    sidq-e-KHalil bhi hai ishq sabr-e-husain bhi hai ishq!

    marka-e-wajud mein badr o hunain bhi hai ishq!

    aaya-e-kaenat ka mani-e-der-yab tu!

    nikle teri talash mein qafila-ha-e-rang-o-bu!

    jalwatiyan-e-madrasa kor-nigah o murda-zauq

    jalwatyan-e-maikada kam-talab o tahi-kadu!

    main ki meri ghazal mein hai aatish-e-rafta ka suragh

    meri tamam sarguzisht khoe huon ki justuju!

    baad-e-saba ki mauj se nash-o-numa-e-KHar-o-KHas!

    mere nafas ki mauj se nashw-o-numa-e-arzu!

    KHun-e-dil o jigar se hai meri nawa ki parwarish

    hai rag-e-saz mein rawan sahib-e-saz ka lahu!

    fursat-e-kashmukash mein in dil be-qarar ra

    yak do shikan zyaada kun gesu-e-tabdar ra

    lauh bhi tu, qalam bhi tu, tera wajud al-kitab!

    gumbad-e-abgina-rang tere muhit mein habab!

    aalam-e-ab-o-KHak mein tere zuhur se farogh

    zarra-e-reg ko diya tu ne tulu-e-aftab!

    shaukat-e-sanjar-o-salim tere jalal ki numud!

    faqr-e-'juned'-o-'bayazid' tera jamal be-naqab!

    shauq tera agar na ho meri namaz ka imam

    mera qayam bhi hijab! mera sujud bhi hijab!

    teri nigah-e-naz se donon murad pa gae

    aql, ghayab o justuju ishq, huzur o iztirab!

    tira-o-tar hai jahan gardish-e-aftab se!

    tab-e-zamana taza kar jalwa-e-be-hijab se!

    teri nazar mein hain tamam mere guzishta roz o shab

    mujh ko KHabar na thi ki hai ilm-e-naKHil be-rutab!

    taza mere zamir mein marka-e-kuhan hua!

    ishq tamam mustafa! aql tamam bu-lahab!

    gah ba-hila mi-barad, gah ba-zor mi-kashad

    ishq ki ibtida ajab ishq ki intiha ajab!

    aalam-e-soz-o-saz mein wasl se baDh ke hai firaq

    wasl mein marg-e-arzu! hijr mein lazzat-e-talab!

    ain-e-visal mein mujhe hausla-e-nazar na tha

    garche bahana-ju rahi meri nigah-e-be-adab!

    garmi-e-arzu firaq! shorish-e-ha-o-hu firaq!

    mauj ki justuju firaq! qatre ki aabru firaq!

    Videos
    This video is playing from YouTube

    Videos
    This video is playing from YouTube

    Zulfiqar Ali Bukhari

    Zulfiqar Ali Bukhari

    Source :
    • Book : کلیات اقبال (Pg. 403)
    • Author : علامہ اقبال
    • Publication : ایجوکیشنل پبلشنگ ہاؤس،دہلی (2014)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY