ضدی بچہ
یہ اک بچے کا قصہ ہے
یہ بچہ تھا بڑا ضدی
نتیجہ یہ ہوا ضد کا
یہ عادت پڑ گئی اس کی
جو سیدھی بات بھی کہتے
سمجھتا اس کو وہ الٹی
وہ کہتا گرم کو ٹھنڈا
وہ کہتا ٹھنڈ کو گرمی
وہ کہتا فرش کو تکیہ
وہ کہتا میز کو کرسی
وہ کہتا ہیٹ کو اچکن
وہ کہتا کوٹ کو صدری
وہ کہتا حوض کو دریا
وہ کہتا جھیل کو ندی
وہ کہتا گوشت کو روٹی
وہ کہتا دودھ کو پانی
وہ کہتا مرچ کو شلغم
وہ کہتا پیاز کو مولی
وہ کہتا بھیڑ کو گھوڑا
وہ کہتا بیل کو بکری
کھلاتے اس کو گر لڈو
وہ کھانا چاہتا برفی
منگاتے اس سے گر آلو
تو دیتا لا کے وہ گوبھی
غرض میں کیا کہوں نیرؔ
تھی بات اس کی ہر اک اوندھی
مأخذ:
نئی کہانیاں (Pg. 17)
- مصنف: محمد شفیع الدین نیر
-
- ناشر: مکتبہ جامعہ لمیٹیڈ، نئی دہلی
- سن اشاعت: 1943
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
