zikr-e-arzu

phir lahū bahne lagā āñkhoñ se kyā phir chhiḌ gayā

halqa-e-ahbāb meñ zikr-e-visāl-e-'ārzū'

ālam-e-sher-o-suḳhan meñ aaj hāsil hai kise

qudrat-e-taḳhlīq-o-parvāz-e-ḳhayāl-e-'ārzū'

allah-allah kis vufūr-e-shauq se ahl-e-shu.ūr

dekhte haiñ husn-e-ma.anī meñ jamāl-e-'ārzū'

aaj bhī hai shahsavārān-e-adab ke vāste

mash.al-e-rāh-e-suḳhan husn-e-kamāl-e-'ārzū'

'ārzū' zinda nahīñ par zinda-e-jāved hai

gulshan-e-sher-o-taġhazzul meñ nihāl-e-'ārzū'

karvaTeñ badlā karegā āsmāñ lākhoñ baras

jab kahīñ mumkin hai paidā ho misāl-e-ārzū

zeb-e-dīvāñ hī nahīñ har-qāsh-e-dil par naqsh hai

harf-e-qaul-e-'ārzū' lafz-e-maqāl-e-'ārzū'

fikr merī nā-rasā hai ilm merā nā-tamām

mujh se mumkin hī nahīñ sharh-e-kamāl-e-'ārzū'

sohbat-e-hūr-o-malak ai 'ashk' ḳhush aa.e na kyoñ

milte-julte the farishtoñ se ḳhisāl-e-'ārzū'

phir lahu bahne laga aankhon se kya phir chhiD gaya

halqa-e-ahbab mein zikr-e-visal-e-'arzu'

aalam-e-sher-o-suKHan mein aaj hasil hai kise

qudrat-e-taKHliq-o-parwaz-e-KHayal-e-'arzu'

allah-allah kis wufur-e-shauq se ahl-e-shuur

dekhte hain husn-e-mani mein jamal-e-'arzu'

aaj bhi hai shahsawaran-e-adab ke waste

mashal-e-rah-e-suKHan husn-e-kamal-e-'arzu'

'arzu' zinda nahin par zinda-e-jawed hai

gulshan-e-sher-o-taghazzul mein nihaal-e-'arzu'

karwaTen badla karega aasman lakhon baras

jab kahin mumkin hai paida ho misal-e-arzu

zeb-e-diwan hi nahin har-qash-e-dil par naqsh hai

harf-e-qaul-e-'arzu' lafz-e-maqal-e-'arzu'

fikr meri na-rasa hai ilm mera na-tamam

mujh se mumkin hi nahin sharh-e-kamal-e-'arzu'

sohbat-e-hur-o-malak ai 'ashk' KHush aae na kyon

milte-julte the farishton se KHisal-e-'arzu'