zindagani ka KHala

zindagānī kā ḳhalā

ye na bhar paayā kabhī

lāla-o-gul ko kabhī pyaar kiyā

rāt-bhar tāroñ ko bedār kiyā

kam na hotī thī magar dil kī kasak

dil kā ġham āñkhoñ se barsāyā kabhī

ye na bhar paayā kabhī

zindagānī kā ḳhalā

bhar liyā us meñ kabhī dard-e-chaman

kabhī be-nām maqāsid kī lagan

jin se ehsās bhī jaatā thā bahak

shīsha-e-dil ko bhī chhalkāyā kabhī

ye na bhar paayā kabhī

zindagānī kā ḳhalā

fan kī devī ne bhī barsā.ī sharāb

vaqt kī mauj ne pheñke dur-e-nāb

jin se aa.ī mire ḳhvāboñ meñ chamak

jī zarā un se bhī bahlāyā kabhī

ye na bhar paayā kabhī

zindagānī kā ḳhalā

zindagani ka KHala

ye na bhar paya kabhi

lala-o-gul ko kabhi pyar kiya

raat-bhar taron ko bedar kiya

kam na hoti thi magar dil ki kasak

dil ka gham aankhon se barsaya kabhi

ye na bhar paya kabhi

zindagani ka KHala

bhar liya us mein kabhi dard-e-chaman

kabhi be-nam maqasid ki lagan

jin se ehsas bhi jata tha bahak

shisha-e-dil ko bhi chhalkaya kabhi

ye na bhar paya kabhi

zindagani ka KHala

fan ki dewi ne bhi barsai sharab

waqt ki mauj ne phenke dur-e-nab

jin se aai mere KHwabon mein chamak

ji zara un se bhi bahlaya kabhi

ye na bhar paya kabhi

zindagani ka KHala