zindagi aur maut

maut hai ziist kī ham-safar

ek hī vaqt par

jiine ke saath martā chalā jā rahā hai bashar

maut aur ziist ik dūsre se kahāñ duur haiñ

har ghaḌī jaan kā kuchh na kuchh juzv martā chalā jaa.e hai

ham jo har aan marte chale jā rahe haiñ bil-aqsāt ik roz mar jā.eñge

zarra-zarra bikhar jā.eñge

janm-din hī to marne kā āġhāz hai

janm din hī maran din bhī hai is liye

maut bāhar nahīñ balki andar hai hastī meñ tahlīl hai

ziist marg-e-musalsal kī tashkīl hai

maut hai zist ki ham-safar

ek hi waqt par

jine ke sath marta chala ja raha hai bashar

maut aur zist ek dusre se kahan dur hain

har ghaDi jaan ka kuchh na kuchh juzw marta chala jae hai

hum jo har aan marte chale ja rahe hain bil-aqsat ek roz mar jaenge

zarra-zarra bikhar jaenge

janm-din hi to marne ka aaghaz hai

janm din hi maran din bhi hai is liye

maut bahar nahin balki andar hai hasti mein tahlil hai

zist marg-e-musalsal ki tashkil hai