zindagi

naqsh-pā-e-kārvāñ hai zindagī

yā'nī yād-e-raftagāñ hai zindagī

ġhuncha-o-gul kā tabassum ho to ho

varna paiġhām-e-ḳhizāñ hai zindagī

yā ġhurūr-e-sub.h-e-sad-ummīd hai

yā ġham-e-shām-e-butāñ hai zindagī

lazzat-e-sad-talḳh baada hai mahz

yā surūr-e-jāvedāñ hai zindagī

yā fareb-e-husn fitna-jū hai yā

sādgī-e-‘āshiqāñ hai zindagī

yā sadā-e-chang yā saut-e-rabāb

yā faqat āh-o-fuġhāñ hai zindagī

koī samjhā hai na samjhegā ise

sahv-e-fikr-e-nukta-dāñ hai zindagī

naqsh-pa-e-karwan hai zindagi

ya'ni yaad-e-raftagan hai zindagi

ghuncha-o-gul ka tabassum ho to ho

warna paigham-e-KHizan hai zindagi

ya ghurur-e-subh-e-sad-ummid hai

ya gham-e-sham-e-butan hai zindagi

lazzat-e-sad-talKH baada hai mahz

ya surur-e-jawedan hai zindagi

ya fareb-e-husn fitna-ju hai ya

sadgi-e-‘ashiqan hai zindagi

ya sada-e-chang ya saut-e-rabab

ya faqat aah-o-fughan hai zindagi

koi samjha hai na samjhega ise

sahw-e-fikr-e-nukta-dan hai zindagi