zindagi

zarre zarre meñ davāñ rūh-o-ruvāñ paatā huuñ maiñ

zindagī ko ek bahr-e-be-karāñ paatā huuñ maiñ

ġhuncha ġhuncha nutq par āmāda aatā hai nazar

patte patte kī zabāñ ko naġhma-ḳhvāñ paatā huuñ maiñ

zinda hastī kī ḳhabar detī hai raftār-e-nafas

bū-e-gul ko zindagī kā tarjumāñ paatā huuñ maiñ

barq kī jumbish ho yā bād-e-sabā kā ho ḳhirām

zindagī kā har tamavvuj meñ nishāñ paatā huuñ maiñ

us se aage bhī haiñ rūheñ uḌtī phirtī be-shumār

tā.er-e-sidra kā jis jā āshiyāñ paatā huuñ maiñ

ho chukī hai hukmarāñ jis naḳhl par bād-e-ḳhizāñ

us kī rag rag meñ bahār-e-be-ḳhizāñ paatā huuñ maiñ

chār-sū rāh-e-safar par dauḌtī hai jab nazar

zindagī ko kārvāñ-dar-kārvāñ paatā huuñ maiñ

jaane vāloñ kī tabāhī ke nishānoñ meñ nihāñ

aane vaalī hastiyoñ kī bastiyāñ paatā huuñ maiñ

al-ġharaz samjhe ho jin ko maut kī barbādiyāñ

zindagī ke inqalāb an meñ nihāñ paatā huuñ maiñ

zarre zarre mein dawan ruh-o-ruwan pata hun main

zindagi ko ek bahr-e-be-karan pata hun main

ghuncha ghuncha nutq par aamada aata hai nazar

patte patte ki zaban ko naghma-KHwan pata hun main

zinda hasti ki KHabar deti hai raftar-e-nafas

bu-e-gul ko zindagi ka tarjuman pata hun main

barq ki jumbish ho ya baad-e-saba ka ho KHiram

zindagi ka har tamawwuj mein nishan pata hun main

us se aage bhi hain ruhen uDti phirti be-shumar

taer-e-sidra ka jis ja aashiyan pata hun main

ho chuki hai hukmaran jis naKHl par baad-e-KHizan

us ki rag rag mein bahaar-e-be-KHizan pata hun main

chaar-su rah-e-safar par dauDti hai jab nazar

zindagi ko karwan-dar-karwan pata hun main

jaane walon ki tabahi ke nishanon mein nihan

aane wali hastiyon ki bastiyan pata hun main

al-gharaz samjhe ho jin ko maut ki barbaadiyan

zindagi ke inqalab an mein nihan pata hun main