Afzaal Naveed's Photo'

Afzaal Naveed

Toronto, Canada

One of the contemporary poets from Pakistan

One of the contemporary poets from Pakistan

Sher of Afzaal Naveed

356
Favorite

SORT BY

ayyām ke ġhubār se niklā to der tak

maiñ rāstoñ ko dhuul banā dekhtā rahā

ayyam ke ghubar se nikla to der tak

main raston ko dhul bana dekhta raha

sahar guuñj se āvāza-e-jamāl huā

so jāgtā rahā atrāf ko jagā.e hue

sahar ki gunj se aawaza-e-jamal hua

so jagta raha atraf ko jagae hue

ḳhālī huā gilās nasha sar meñ aa gayā

dariyā utar gayā to samundar meñ aa gayā

KHali hua gilas nasha sar mein aa gaya

dariya utar gaya to samundar mein aa gaya

rahtī hai shab-o-roz meñ bārish tirī yaad

ḳhvāboñ meñ utar jaatī haiñ ghanghor āñkheñ

rahti hai shab-o-roz mein barish si teri yaad

KHwabon mein utar jati hain ghanghor si aankhen

maiñ ne bachpan ḳhushbū-e-nāzuk

ek titlī ke sañg uḌaa.ī thī

main ne bachpan ki KHushbu-e-nazuk

ek titli ke sang uDai thi

darvāze the kuchh aur bhī darvāze ke pīchhe

barsoñ pe ga.ī baat mahīnoñ se nikal kar

darwaze the kuchh aur bhi darwaze ke pichhe

barson pe gai baat mahinon se nikal kar

kyā jaane kis haath mire haath aa gayā

jis giraft chāhiye thī shal milā mujhe

kya jaane kis ka hath mere hath aa gaya

jis ki giraft chahiye thi shal mila mujhe

aise kuchh din bhī the jo ham se guzāre na ga.e

vāpsī ke kisī sāmān meñ rakh chhoḌe haiñ

aise kuchh din bhi the jo hum se guzare na gae

wapsi ke kisi saman mein rakh chhoDe hain

kisī ko rashk aa.e kyuuñ na qismat par hamārī ab

ujaḌ aa.e haiñ har jānib se basnā rah gayā baaqī

kisi ko rashk aae kyun na qismat par hamari ab

ujaD aae hain har jaanib se basna rah gaya baqi

ki jaise ḳhud se mulāqāt ho nahīñ paatī

jahāñ se uTThā huā hai ḳhamīr khīñchtā huuñ

ki jaise KHud se mulaqat ho nahin pati

jahan se uTTha hua hai KHamir khinchta hun

so jaatī hai bastī to makāñ pichhlī galī meñ

tanhā khaḌā rahtā hai makīnoñ se nikal kar

so jati hai basti to makan pichhli gali mein

tanha khaDa rahta hai makinon se nikal kar

kuchh mazāhir haiñ jo nagar meñ hameñ

dūsrā nagar dikhāte haiñ

kuchh mazahir hain jo nagar mein hamein

dusra hi nagar dikhate hain

jañg se jañgal banā jañgal se maiñ niklā nahīñ

ho gayā ojhal magar ojhal se maiñ niklā nahīñ

jang se jangal bana jangal se main nikla nahin

ho gaya ojhal magar ojhal se main nikla nahin

yakjā.ī tilism rahā taarī TuuT kar

vo sāmne se haT ke barābar meñ aa gayā

yakjai ka tilism raha tari TuT kar

wo samne se haT ke barabar mein aa gaya

pasand aate nahīñ sīdhe-sādhe log use

vo apne māthe pe bil Dālne pe rahtā hai

pasand aate nahin sidhe-sadhe log use

wo apne mathe pe bil Dalne pe rahta hai

havas ke naag ne din raat rakkhā apne changul meñ

bahut khelā hamāre tan se Dasnā rah gayā baaqī

hawas ke nag ne din raat rakkha apne changul mein

bahut khela hamare tan se Dasna rah gaya baqi

jhalak thī koī ḳhushbū-e-ḳhadd-o-ḳhāl thī vo

chalī ga.ī to mire aas paas rahne lagī

jhalak thi ya koi KHushbu-e-KHadd-o-KHal thi wo

chali gai to mere aas pas rahne lagi

rakh liye rauzan-e-zindāñ pe parinde saare

jo na vaañ rakhne the dīvān meñ rakh chhoḌe haiñ

rakh liye rauzan-e-zindan pe parinde sare

jo na wan rakhne the diwan mein rakh chhoDe hain

subū uThā.ūñ to piine ke biich khultī hai

koī galī mere siine ke biich khultī hai

subu uThaun to pine ke bich khulti hai

koi gali mere sine ke bich khulti hai