alakh jamā.e dhūnī ramā.e dhyān lagā.e rahte haiñ

pyaar hamārā maslak hai ham prem-gurū ke chele haiñ

alakh jamae dhuni ramae dhyan lagae rahte hain

pyar hamara maslak hai hum prem-guru ke chele hain

apnā ghar shahr-e-ḳhamoshāñ sā hai

kaun aa.egā yahāñ shaam Dhale

apna ghar shahr-e-KHamoshan sa hai

kaun aaega yahan sham Dhale

tum un ko sazā kyuuñ nahīñ dete ki jinhoñ ne

mujrim kā zamīr aur sukūñ luuT liyā hai

tum un ko saza kyun nahin dete ki jinhon ne

mujrim ka zamir aur sukun luT liya hai

har musāfir tire kūche ko chalā

us taraf chhāñv ghanī ho jaise

har musafir tere kuche ko chala

us taraf chhanw ghani ho jaise

maiñ to apnī jaan pe khel ke pyaar kī baazī jiit gayā

qātil haar ga.e jo ab tak ḳhuun ke chhīñTe dhote haiñ

main to apni jaan pe khel ke pyar ki bazi jit gaya

qatil haar gae jo ab tak KHun ke chhinTe dhote hain

husn kī daulat us kī hai aur vasl kī ishrat bhī us kī

jis ne pal pal hijr meñ kaaTā jaur sahe dukh jhele haiñ

husn ki daulat us ki hai aur wasl ki ishrat bhi us ki

jis ne pal pal hijr mein kaTa jaur sahe dukh jhele hain

kārzār-e-ishq-o-sar-mastī meñ nusrat-yāb hoñ

vo junūnī daar tak jaane ko jo betāb huuñ

karzar-e-ishq-o-sar-masti mein nusrat-yab hon

wo jununi dar tak jaane ko jo betab hun

dar-o-dīvār bhī hote haiñ jāsūs

koī suntā na ho āhista bolo

dar-o-diwar bhi hote hain jasus

koi sunta na ho aahista bolo

bāzī-gāh-e-dār-o-rasan meñ mai-kada-e-fikr-o-fan meñ

ham rindoñ se raunaq hai ham durveshoñ se mele haiñ

bazi-gah-e-dar-o-rasan mein mai-kada-e-fikr-o-fan mein

hum rindon se raunaq hai hum durweshon se mele hain