aa.ina sach boltā hai aa.ina hai mo'tabar

sach kī 'ādat Daal tū bhī mo'tabar ho jā.egā

aaina sach bolta hai aaina hai mo'tabar

sach ki 'adat Dal tu bhi mo'tabar ho jaega

jis shaḳhs ko saa.e kī hai aaj baḌī chāhat

pūchho to kabhī us ne paude bhī lagā.e haiñ

jis shaKHs ko sae ki hai aaj baDi chahat

puchho to kabhi us ne paude bhi lagae hain

maiñ jiyūñ ehsāñ biThā kar vo bhī ik kam-zarf kā

zindagī pyārī hai lekin is qadar pyārī nahīñ

main jiyun ehsan biTha kar wo bhi ek kam-zarf ka

zindagi pyari hai lekin is qadar pyari nahin

nahīñ hai mujh ko chaman se nikālnā āsāñ

ba-shakl-e-rang rag-e-gul meñ bas gayā huuñ maiñ

nahin hai mujh ko chaman se nikalna aasan

ba-shakl-e-rang rag-e-gul mein bas gaya hun main

nizām-e-'adl ke andāz mere dekhe-bhāle haiñ

'adālat to khulī hai par lab-e-'ādil pe taale haiñ

nizam-e-'adl ke andaz mere dekhe-bhaale hain

'adalat to khuli hai par lab-e-'adil pe tale hain