khiñchā khiñchā nazar aatā hai ham se har āñchal

sitāre toḌ ke laa.eñ to laa.eñ kis ke liye

khincha khincha nazar aata hai hum se har aanchal

sitare toD ke laen to laen kis ke liye

nahīñ hai koī hameñ zindagī kā shauq magar

ham apnī jaan se jaa.eñ to jaa.eñ kis ke liye

nahin hai koi hamein zindagi ka shauq magar

hum apni jaan se jaen to jaen kis ke liye

ḳhilāf ham nahīñ aḳhtar-shumāriyoñ ke magar

savāl ye hai ki nīñdeñ gañvā.eñ kis ke liye

KHilaf hum nahin aKHtar-shumariyon ke magar

sawal ye hai ki ninden ganwaen kis ke liye