us be-ḳhabar kī niiñd kā 'ālam na pūchhiye

takiya kahīñ hai zulf kahīñ aur kahīñ badan

us be-KHabar ki nind ka 'alam na puchhiye

takiya kahin hai zulf kahin aur kahin badan

talḳhī ke saath kiije na tark-e-ta'alluqāt

chubhtā rahegā varna ye lahja tamām 'umr

talKHi ke sath kije na tark-e-ta'alluqat

chubhta rahega warna ye lahja tamam 'umr

tumhāre hijr ne hī to hameñ shā'ir banāyā hai

tumhāre hijr pe ham ko ka.ī dīvān likhne haiñ

tumhaare hijr ne hi to hamein sha'ir banaya hai

tumhaare hijr pe hum ko kai diwan likhne hain

jo pahle aañkh se ojhal huā thā

vo ab dil se bhī ruḳhsat ho rahā hai

jo pahle aankh se ojhal hua tha

wo ab dil se bhi ruKHsat ho raha hai

ḳhvāb ke jaisā na paayā ḳhvāb kī tā'bīr se

dard vahshat hijr sahrā hī milā taqdīr se

KHwab ke jaisa na paya KHwab ki ta'bir se

dard wahshat hijr sahra hi mila taqdir se