ye dushmanī hai saaqī yā dostī hai saaqī

auroñ ko jaam denā mujh ko dikhā dikhā ke

ye dushmani hai saqi ya dosti hai saqi

auron ko jam dena mujh ko dikha dikha ke

jin hausloñ se merā junūñ mutma.in na thā

vo hausle zamāne ke meyār ho ga.e

jin hauslon se mera junun mutmain na tha

wo hausle zamane ke meyar ho gae

aish hī aish hai na sab ġham hai

zindagī ik hasīn sañgam hai

aish hi aish hai na sab gham hai

zindagi ek hasin sangam hai

ab dard meñ vo kaifiyat-e-dard nahīñ hai

aayā huuñ jo us bazm-e-gul-afshāñ se guzar ke

ab dard mein wo kaifiyat-e-dard nahin hai

aaya hun jo us bazm-e-gul-afshan se guzar ke

lazzat-e-dard milī ishrat-e-ehsās milī

kaun kahtā hai ham us bazm se nākām aa.e

lazzat-e-dard mili ishrat-e-ehsas mili

kaun kahta hai hum us bazm se nakaam aae